Црна хроника
Триесет дневен притвор за осомничениот за убиството во Аеродром
Истражен судија му одреди 30-дневен притвор на осомничениот за тројното убиство скопската населба Аеродром. Осомничениот пред судијата се бранел со молчење, а му бил одреден адвокат по службена должност
етириесет иседум-годишниот Тони Денковски вечерва околу 20 часот, по распитот во полициската станица беше изведен пред истражен судија. Денковски утрово сам се пријави во полициска станица и призна дека пукал во двајцата велешани и скопјанецот.Мотив за убиството, најверојатно се нерасчистени должничко-доверителски односи, меѓу осомничениот Денковски и убиениот Јордан Јорданов, викан Ркулот, во јавноста познат по вмешаност во случајот „Франкфурт мафија“.Полицијата се уште истражува зошто настрадаа Владо Милошев и Влатко Андреевски, кој синоќа седеле на иста маса со Јорданов ако првично се знае дека цел на напаѓачот бил само Ркулот. МВР нема информации зошто во тоа друштво бил Милошев, полициски службеник кој работел во одделот за обезбедување на странски делегации. Министерката Јанкуловска најави дека ќе се истражат шпекулациите дека токму нивниот припадник бил врската меѓу подземјето и полицијата.Вчера, малку пред 20 часот, Тони Денковски влегол во „Биг фиш“, со автоматска пушка пукал кон жртвите. Јорданов почина на лице место, а двајцата на повредите им подлегнаа во Ургентниот центар. Денковски го фрлил оружјето пред рибарницата и со автомобил Опел корса избегал од местото на инцидентот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се скарале поради паркинг па му се заканил со пиштол: уапсен тетовец
Вчера во 10.00 часот на улица „146“ во Тетово, полициски службеници од СВР Тетово го лишиле од слобода А.А.(51) од тетовско, затоа што околу 08.50 часот, поради недоразбирање околу паркирање на возила, со пиштол му се заканил на Н.А.(54) од тетовска Мала Речица.
При приведувањето, кај А.А. бил пронајден и одземен пиштол кубура, додека подоцна, со судска наредба, бил извршен претрес во неговиот дом, при што биле пронајдени и одземени пиштол „Црвена застава“ калибар 7.62мм, две рамки за пиштолот и 46 куршуми калибар 7.62мм.
Лицето било задржано во полициска станица и по целосно документирање на случајот против него ќе биде поднесена соодветна пријава, информира МВР.
Црна хроника
(Видео) Претрес кај полициски службеници од Скопско: пронајдено оружје и муниција
Вчера полициски службеници од Одделот за криминалистичка полиција – Сектор за недозволена трговија со дрога, оружје и опасни материи во координација со Одделот за внатрешна контрола, криминалистички истраги и професионални стадарди и СВР Скопје – Единица за недозволена трговија беше извршен претрес во дом кај две лица – полициски службеници за кои претходно беше утврдено дека на социјалните мрежи објавуваат фотографии со оружје.
При претресот, извршен со судска наредба, во нивниот дом во село Сингелиќ, скопско, биле пронајдени една автоматска пушка, два пиштоли, 19 куршуми 9 мм, еден рап во кој има четири рамки за автоматска пушка, пет празни рамки за автоматска пушка, 125 куршуми калибар 7.62×39, пет куршуми непознат калибар, еден револвер, една празна рамка и шест празни рамки кои ги поседуваат без дозвола. Исто така, при претресот во домот и при преглед на возилото на еден од нив било пронајдено и друго оружје и муниција кои ги поседувале со дозвола, соопшти полицијата.
„Подоцна, исто така, со судска наредба, беше извршен и претрес во викенд куќа во село Стрима, општина Липково, каде претходно беше утврдено дека е направена фотографијата и објавена на социјална мрежа, но во неа не беа пронајдени предмети кои потекнуваат од кривично дело.
Со двајцата полициски службеници и нивниот родител, во присуство на адвокат, беа извршени службени разговори, по што беа извршени консултации со јавен обивнителе од Основното јавно обвинителство за гонење на организиран криминал и корупција и против нив ќе биде поднесена соодветна кривична пријава“, информира МВР.
Црна хроника
Повеќе лица агресивно се однесувале кон медицински персонал во болницата во Струга
Утрово во 00.57 часот во ОВР Струга е пријавено дека во Општата болница во Струга, повеќе лица агресивно се однесувале кон медицинскиот персонал.
Увид на местото увид извршија полициски екипи и дежурен јавен обвинител.
Полицијата соопшти дека се преземаат мерки за расчистување на случајот.