Црна хроника
Убиено 23-годишно момче по банална расправија
Дваесет итри-годишниот Алија Раметула, синоќа половина час пред полноќ е убиен поради банална расправија во скопското село Студеничани.
Расправијата започнала меѓу членови од едно семејство со друго лице, член на друго семејство.„Додека се разминувале на една од улиците во селото најпрво започнала расправија меѓу членовите на едното семејство со лице кое што било дел од друго семејство. Потоа следувала бркотница низ селото, лицето кое било бркано се засолнио во својата куќа“ изјави портпаролот на полицијата, Иво Котевски.Но нешто подоцна таму го нашле Раметула заедно со неговиот татко и брат.За време на тепачката во дворот на куќата, Раметула извадил пиштол. Еден од припадниците на спротивставениот табор му го одзел пиштолот и испукал два куршуми кон него. Момчето било пренесено во градската болница, каде што починало.Осомничениот е идентификуван, но се наоѓа во бегство. Полицијата трага по него
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.