Црна хроника
Струен удар можна причина за смртта на тројцата стружани
![](https://makfax.com.mk/wp-content/uploads/2016/10/34380efc-7ae0-4a68-a10f-39290072385c.jpeg)
Три тела беа пронајдени попладнево во водите на Охидското Езеро во близина на плажата „Галеб“ во центарот на Струга
Според првичните непотврдени информации, станува збор за тројца повозрасни мажи, видни граѓани на Струга со иницијали Ј. Д., К. Ѓ., Ј. K.,пренесе Ohridnews. Очевидци кои ги препознале починатите велат дека станува збор за Јосиф Докоски, познат хирург и неговиот колега анестезиолог, двајцата од стушката болница, Кире Ѓоргоноски на околу педесетгодишна возраст и нивниот пријател Јонче Кувенџиески Шишко, на околу 40-годишна возраст, финансиски инспектор во УЈП, каде порано бил началник.Според засега непотврдени инфромации, двајца од починатите биле вработени во Медицинскиот центар во Струга, анестезиолог и хирург, а третиот бил вработен во Упрвата за јавни приходи. Од СВР Охрид се уште не излегуваат со официјални податоци, освен дека во текот на денот до нивните служби не биле пријавени случаи на исчезнати лица. Во текот на вечерта ќе биде извршена обдукција на телата со цел да се утврди причината за смртта на тројцата стружани. Неофицијално, на телата не се забележани траги на насилство и се претпоставува дека смртта настапила како последица од струен удар. Натамошната истрага треба да утврди дали оваа првична вест е точна.Во близина на местото каде беа пронајдени телата, се наоѓаат бројни полициски и медицински екипи, како и голем број граѓани на Струга кои со неверување ја примија непријатната вест. Во тек е увидот кој го вршат екипи на полицијата, истражен судија и јавен обвинител.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се скарале поради паркинг па му се заканил со пиштол: уапсен тетовец
![](https://makfax.com.mk/wp-content/uploads/2023/04/340100298_727343369082993_245299473340502978_n.jpg)
Вчера во 10.00 часот на улица „146“ во Тетово, полициски службеници од СВР Тетово го лишиле од слобода А.А.(51) од тетовско, затоа што околу 08.50 часот, поради недоразбирање околу паркирање на возила, со пиштол му се заканил на Н.А.(54) од тетовска Мала Речица.
При приведувањето, кај А.А. бил пронајден и одземен пиштол кубура, додека подоцна, со судска наредба, бил извршен претрес во неговиот дом, при што биле пронајдени и одземени пиштол „Црвена застава“ калибар 7.62мм, две рамки за пиштолот и 46 куршуми калибар 7.62мм.
Лицето било задржано во полициска станица и по целосно документирање на случајот против него ќе биде поднесена соодветна пријава, информира МВР.
Црна хроника
(Видео) Претрес кај полициски службеници од Скопско: пронајдено оружје и муниција
![](https://makfax.com.mk/wp-content/uploads/2024/07/6-1-1.jpg)
Вчера полициски службеници од Одделот за криминалистичка полиција – Сектор за недозволена трговија со дрога, оружје и опасни материи во координација со Одделот за внатрешна контрола, криминалистички истраги и професионални стадарди и СВР Скопје – Единица за недозволена трговија беше извршен претрес во дом кај две лица – полициски службеници за кои претходно беше утврдено дека на социјалните мрежи објавуваат фотографии со оружје.
При претресот, извршен со судска наредба, во нивниот дом во село Сингелиќ, скопско, биле пронајдени една автоматска пушка, два пиштоли, 19 куршуми 9 мм, еден рап во кој има четири рамки за автоматска пушка, пет празни рамки за автоматска пушка, 125 куршуми калибар 7.62×39, пет куршуми непознат калибар, еден револвер, една празна рамка и шест празни рамки кои ги поседуваат без дозвола. Исто така, при претресот во домот и при преглед на возилото на еден од нив било пронајдено и друго оружје и муниција кои ги поседувале со дозвола, соопшти полицијата.
„Подоцна, исто така, со судска наредба, беше извршен и претрес во викенд куќа во село Стрима, општина Липково, каде претходно беше утврдено дека е направена фотографијата и објавена на социјална мрежа, но во неа не беа пронајдени предмети кои потекнуваат од кривично дело.
Со двајцата полициски службеници и нивниот родител, во присуство на адвокат, беа извршени службени разговори, по што беа извршени консултации со јавен обивнителе од Основното јавно обвинителство за гонење на организиран криминал и корупција и против нив ќе биде поднесена соодветна кривична пријава“, информира МВР.
Црна хроника
Повеќе лица агресивно се однесувале кон медицински персонал во болницата во Струга
![](https://makfax.com.mk/wp-content/uploads/2023/02/policija-2.jpg)
Утрово во 00.57 часот во ОВР Струга е пријавено дека во Општата болница во Струга, повеќе лица агресивно се однесувале кон медицинскиот персонал.
Увид на местото увид извршија полициски екипи и дежурен јавен обвинител.
Полицијата соопшти дека се преземаат мерки за расчистување на случајот.