Црна хроника
Се самоуби уште еден затвореник

Затвореник вчера попладне се обеси во затворот „Идризово“ во Скопје, соопшти Управата за извршување на санкции
Дежурниот надзорник го пронашол четириесет и двегодишниот Адем Сулејмани од Скопје во бањата, во објектот „школо“, каде се обидел да се обеси за решетките од прозорецотВо моментот кога осуденикот бил пронајден, се уште давал знаци на живот, по што веднаш бил транспортиран во Ургентниот центар. Таму бил направен обид за реанимација, но затвореникот починал во 17:45 часот.Како што соопштуваат од Управата, затвореникот бил дијабетичар и бил под постојан надзор. Кај него не било забележано никакво невообичаено однесување. За време на неговиот престој во „Идризово“ работел во домскиот магацин.Сулејмани бил осуден во Словачка на 12 години и шест месеци затвор за неовластено производство и пуштање во промет на наркотични дроги.Во 2002 г. почнал да ја издржува казната затвор во Словачка, за по пет години да биде префрлен во затворот во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.
Црна хроника
Приведено лице од скопско, возел со 1,88 промили алкохол

Вчера во 19.00 часот во Делчево, полициски службеници од ОВР Делчево го лишиле од слобода О.Ј.(47) од с.Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.