Црна хроника
Велешанка била принудувана да дава сексуални услуги во Гостивар

Гостиварка заедно двајца нејзини сограѓани принудувале малолетничка од Велес да дава сексуални услуги за одреден паричен надоместок, соопшти МВР
Малолетничката пред една седмица поради лошата економска состојба на своето семејство заминала во Гостивар да бара работа. Откако не успеала да најде работа се сместила во станот на дваесет и осумгодишната гостиварка со која се знаеле од претходно.Но, гостиварката ја принудувала да има сексуални односи со повеќе клиенти, а за услугата им наплаќала по 2.500 денари. Малолетничката била заќутувана дури и со леплива трака на устата.Полицијата презема мерки за утврдување на идентитетот и на други лица на кои малолетната девојка им дава сексуални услуги. Против тројцата инволвирани во скандалот е поднесена кривична пријава.Се проширува и секс скандалот во Штип. Освен двете осмооделенки полицијата разговарала и со 16-годишно девојче за кое постојат сомневање дека било дел од аферата.Во скандалот се вклучени бизнисмени од Кочани, Штип и Куманово, како и две девојки кои се обвинети за подведување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.
Црна хроника
Приведено лице од скопско, возел со 1,88 промили алкохол

Вчера во 19.00 часот во Делчево, полициски службеници од ОВР Делчево го лишиле од слобода О.Ј.(47) од с.Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.