Црна хроника
Велешанец украл 500 евра од ташната на продавачка
Дваесет иосум-годишниот Е.М. од Велес заработи кривична пријава за „тешка кражба“, кога на почетокот на мај годинава украл 500 евра и два мобилни телефона од продавачка во продавница на „Жито Вардар“
Кражбата се случила во вечерните часови кога продавачката го затворила дуќанот и се упатила кон својот дом. Пријавениот ја чекал да затвори и потоа ја следел со цел да и ја одземе ташната во која го носела дневниот промет.Во еден момент арамијата употребил сила и и ја одзел ташната во која имало околу 500 евра и два мобилни телефони. Трчајќи се упатил во непознат правец. Едниот од телефоните веднаш го продал на непознато лице. Но телефонот завршил кај трето лице. Токму телефонот ја отворило трагата и полицијата го пронашла сторителот. Тој е приведен во полициската станица во Велес. Против него до основното јавно обвинителство е поднесена кривична пријава за сторено кривично дело Тешка кражба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.