Црна хроника
Битолчани краделе во Велес
![](https://makfax.com.mk/wp-content/uploads/2016/10/eb24ecc6-0e64-4ed4-b1ae-49973b282997.jpeg)
Четворица битолчани пред четири дена дојшле во Велес и украле злато вредно милион денари од златарница во Велес. Битолчаните во златарницата платиле рачен часовник а си заминале со скапиот златен накит
Дијана Иванова, од ВелесКражбата ја извршил најмладиот од нив 15 годишниот Д.М Тој заедно со четириесет и едно годишниот Е.М, осумнаесет годишниот А.С. и деветнаесет годишниот М.К. најпрво влегле во златарата, се распрашувале за парфеми и часовници, барале од продавачката да им ги покажува и додека тројцата се обидувале да и го свртат вниманието Д.М. ја украл ролната во која стоел златниот накит и со еден од пријателите побегнал од продавницата. Е.М. купил часовник и откако вработената му го наплатила тој не почекал да ја добие фискалната сметка, туку веднаш избегал. На паркингот го чекале другите битолчани, го запалиле возилото и избегале кон Скопје.На бензиска пумпа во близина на Скопје тие запреле да наполнат гориво. Тогаш М.К. кој управувал со возилото го забележал златото во џебот на Д.М. , се изненадил, но Е.М. дури тогаш му рекол дека од Велес украле злато, да молчи пред полицијата за што ќе биде награден.Случајот веднаш бил пријавен во велешката полиција и по преземените истражни дејствија А.С. и М.К. набргу се приведени во полициската станица. Вработената во златарата ги препознала арамиите. Двајцата обвинети Д.М. кој го украл златото и Е.М. се уште се во бегство.СВР Велес до основното јавно обвинителство поднесе кривични пријави против Д.М. Е.М. и А.С. за сторено кривично дело тешка кражба додека против М.К. за помагање при извршување на кражбата. Инаку, според СВР Велес Е.М. и Д.М. на полицијата и биле познати од поодамна и досега биле пријавувани за слични кривични дела извршени во земјава и земјите од соседството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се скарале поради паркинг па му се заканил со пиштол: уапсен тетовец
![](https://makfax.com.mk/wp-content/uploads/2023/04/340100298_727343369082993_245299473340502978_n.jpg)
Вчера во 10.00 часот на улица „146“ во Тетово, полициски службеници од СВР Тетово го лишиле од слобода А.А.(51) од тетовско, затоа што околу 08.50 часот, поради недоразбирање околу паркирање на возила, со пиштол му се заканил на Н.А.(54) од тетовска Мала Речица.
При приведувањето, кај А.А. бил пронајден и одземен пиштол кубура, додека подоцна, со судска наредба, бил извршен претрес во неговиот дом, при што биле пронајдени и одземени пиштол „Црвена застава“ калибар 7.62мм, две рамки за пиштолот и 46 куршуми калибар 7.62мм.
Лицето било задржано во полициска станица и по целосно документирање на случајот против него ќе биде поднесена соодветна пријава, информира МВР.
Црна хроника
(Видео) Претрес кај полициски службеници од Скопско: пронајдено оружје и муниција
![](https://makfax.com.mk/wp-content/uploads/2024/07/6-1-1.jpg)
Вчера полициски службеници од Одделот за криминалистичка полиција – Сектор за недозволена трговија со дрога, оружје и опасни материи во координација со Одделот за внатрешна контрола, криминалистички истраги и професионални стадарди и СВР Скопје – Единица за недозволена трговија беше извршен претрес во дом кај две лица – полициски службеници за кои претходно беше утврдено дека на социјалните мрежи објавуваат фотографии со оружје.
При претресот, извршен со судска наредба, во нивниот дом во село Сингелиќ, скопско, биле пронајдени една автоматска пушка, два пиштоли, 19 куршуми 9 мм, еден рап во кој има четири рамки за автоматска пушка, пет празни рамки за автоматска пушка, 125 куршуми калибар 7.62×39, пет куршуми непознат калибар, еден револвер, една празна рамка и шест празни рамки кои ги поседуваат без дозвола. Исто така, при претресот во домот и при преглед на возилото на еден од нив било пронајдено и друго оружје и муниција кои ги поседувале со дозвола, соопшти полицијата.
„Подоцна, исто така, со судска наредба, беше извршен и претрес во викенд куќа во село Стрима, општина Липково, каде претходно беше утврдено дека е направена фотографијата и објавена на социјална мрежа, но во неа не беа пронајдени предмети кои потекнуваат од кривично дело.
Со двајцата полициски службеници и нивниот родител, во присуство на адвокат, беа извршени службени разговори, по што беа извршени консултации со јавен обивнителе од Основното јавно обвинителство за гонење на организиран криминал и корупција и против нив ќе биде поднесена соодветна кривична пријава“, информира МВР.
Црна хроника
Повеќе лица агресивно се однесувале кон медицински персонал во болницата во Струга
![](https://makfax.com.mk/wp-content/uploads/2023/02/policija-2.jpg)
Утрово во 00.57 часот во ОВР Струга е пријавено дека во Општата болница во Струга, повеќе лица агресивно се однесувале кон медицинскиот персонал.
Увид на местото увид извршија полициски екипи и дежурен јавен обвинител.
Полицијата соопшти дека се преземаат мерки за расчистување на случајот.