Црна хроника
Браќата Миладинови бараат ослободителни пресуди за случајот „Изгрев“
![](https://makfax.com.mk/wp-content/uploads/2016/11/7f8ab652-001d-431b-91b9-f3cafd9bf3bb.jpeg)
Во Апелациониот суд во Скопје се одржа јавна седница на која се дискутираше за жалбите во случајот „Изгрев“ за кој по шест ипол години затвор добија браќата Ѓорѓи и Димитар Миладинови, осудени за перење пари, измама со кредит, давање исправа со лажни податоци
„Нашата работа беше чиста, парите одеа преку трансакциски сметки. Никогаш не сме учествувале во криминал со перење пари. За казните сметаме дека се драконски. Бараме ослободителни пресуди”, вака кажа, а и напишале во жалбите до Апелациониот суд браќата Миладинови. Жалби на пресудите поднесоа и останатите обвинети. Според пресудата основниот суд го отфрли обвинението кое ги товареше дека се дел од организиран група. Три стечајни судијки, стечајна управничка која го водела предметот за хотелот „Изгрев“, и бизнисмен беа ослободени од обвинението. Кај нив не е утврдено дека незаконски работеле. Службеничка во катастарот е условно осудена. Адвокатите Савовски и Бегова осудени се на една односно шест месеци затвор, нотаСудот оцени дека биле инволвирани во нелегалните зделки на браќата Миладинови. Нивната фирма Миладинов чиј содружник е МПЦ земала кредити од две банки тешки над 6 милиони евра, за реновирање на струшкиот хотел „Изгрев“, но парите ги употребувале за други намени и не ги вратиле на банките. К.М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се скарале поради паркинг па му се заканил со пиштол: уапсен тетовец
![](https://makfax.com.mk/wp-content/uploads/2023/04/340100298_727343369082993_245299473340502978_n.jpg)
Вчера во 10.00 часот на улица „146“ во Тетово, полициски службеници од СВР Тетово го лишиле од слобода А.А.(51) од тетовско, затоа што околу 08.50 часот, поради недоразбирање околу паркирање на возила, со пиштол му се заканил на Н.А.(54) од тетовска Мала Речица.
При приведувањето, кај А.А. бил пронајден и одземен пиштол кубура, додека подоцна, со судска наредба, бил извршен претрес во неговиот дом, при што биле пронајдени и одземени пиштол „Црвена застава“ калибар 7.62мм, две рамки за пиштолот и 46 куршуми калибар 7.62мм.
Лицето било задржано во полициска станица и по целосно документирање на случајот против него ќе биде поднесена соодветна пријава, информира МВР.
Црна хроника
(Видео) Претрес кај полициски службеници од Скопско: пронајдено оружје и муниција
![](https://makfax.com.mk/wp-content/uploads/2024/07/6-1-1.jpg)
Вчера полициски службеници од Одделот за криминалистичка полиција – Сектор за недозволена трговија со дрога, оружје и опасни материи во координација со Одделот за внатрешна контрола, криминалистички истраги и професионални стадарди и СВР Скопје – Единица за недозволена трговија беше извршен претрес во дом кај две лица – полициски службеници за кои претходно беше утврдено дека на социјалните мрежи објавуваат фотографии со оружје.
При претресот, извршен со судска наредба, во нивниот дом во село Сингелиќ, скопско, биле пронајдени една автоматска пушка, два пиштоли, 19 куршуми 9 мм, еден рап во кој има четири рамки за автоматска пушка, пет празни рамки за автоматска пушка, 125 куршуми калибар 7.62×39, пет куршуми непознат калибар, еден револвер, една празна рамка и шест празни рамки кои ги поседуваат без дозвола. Исто така, при претресот во домот и при преглед на возилото на еден од нив било пронајдено и друго оружје и муниција кои ги поседувале со дозвола, соопшти полицијата.
„Подоцна, исто така, со судска наредба, беше извршен и претрес во викенд куќа во село Стрима, општина Липково, каде претходно беше утврдено дека е направена фотографијата и објавена на социјална мрежа, но во неа не беа пронајдени предмети кои потекнуваат од кривично дело.
Со двајцата полициски службеници и нивниот родител, во присуство на адвокат, беа извршени службени разговори, по што беа извршени консултации со јавен обивнителе од Основното јавно обвинителство за гонење на организиран криминал и корупција и против нив ќе биде поднесена соодветна кривична пријава“, информира МВР.
Црна хроника
Повеќе лица агресивно се однесувале кон медицински персонал во болницата во Струга
![](https://makfax.com.mk/wp-content/uploads/2023/02/policija-2.jpg)
Утрово во 00.57 часот во ОВР Струга е пријавено дека во Општата болница во Струга, повеќе лица агресивно се однесувале кон медицинскиот персонал.
Увид на местото увид извршија полициски екипи и дежурен јавен обвинител.
Полицијата соопшти дека се преземаат мерки за расчистување на случајот.