Црна хроника

Приведени дилер на дрога во Кисела Вода, и ограбувач на аптеки

Објавено пред

10 години

- 8 ноември, 2010

Од

Дилер на дрога во неделата е фатен во скопската населба Кисела Вода, откако полицијата во неговиот стан откри 234,96 грама хероин, Исто така, приведен е и разбојник што крадел пари од аптеките на „Зегин“

Како што соопшти Министерството за внатрешни работи, 36. годишниот И.Б. во стан под кирија во населбата Кисела Вода продавал паковки со хероин, по цена од 1.000 денари за еден грам. При претресот на домот, биле пронајдени 33 полиетиленски паковки со наркотична дрога хероин во вкупна маса од 230,2 грама, една дигитална вага, една лажичка и ножици со траги од хероин, како и 1.500 евра и 10 илјади денари, по што И.Б. е приведен од страна на полициските службеници. Инаку, пријавениот И.Б. е евидентиран како извршител на повеќе кривични дела.Скопската полиција во неделата го приведе 26-годишниот скопјанец кој во периодот септември-октомври од шест аптеки на „Зегин Фарм“ со примена на оружје украл 169.320 денари.Дваесет ишестгодишниот И.Д. маскиран со црна женска чорапа и вооружен со пиштол во неколку наврати упаднал во аптеките на „Зегин Фарм“ во Ново Лисиче, Аеродром и Карпош, при што вперувајќи го оружјето кон вработените одземал пари од дневниот промет.Пријавениот И.Д., кому му е одреден 30. дневен притвор, во крим евиденцијата е регистриран како сторител на повеќе кривични дела за кои му се изречувани и затворски казни.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Оружен грабеж во центарот на Охрид

Претходно

Идентификувано телото на давеничката во Струга

Македонија

Автобус на ЈСП се судри со две возила кај Шумарскиот факултет

Објавено пред

12 часа

- 16 јануари, 2021

Од

Макфакс

Нема повредени патници во автобусот на ЈСП, по сударот со два автомобили кај Шумарскиот факултет. Оттаму информираат дека е причинета само материјална штета.

Досега, како повредени се пријавени три лица кои се превезувале со автомобилите.

„Според изјавата на возачот на автобусот дадена на внатрешната контрола на ЈСП Скопје, незгодата се случила околу 15 часот во момент кога автобусот (ЛАЗ) кој сообраќал на линија 50 стоел на автобуската постојка кај Шумарски факултет, за влез/излез на патници, и во него од позади удрило едно од двете патнички возила кои учествувале во незгодата“, информираа од ЈСП.

Од ЈСП велат дека МВР работи на целосно расчистување на случајот.

„Апелираме на поголема внимателност на сите учесници во сообраќајот, со цел избегнување на евентуални човечки жртви и поголеми материјални штети“, додаваат од ЈСП.

Прикажи повеќе...

Црна хроника

Жител на Сингелиќ осомничен за недозволено поседување дрога и оружје

Објавено пред

14 часа

- 16 јануари, 2021

Од

Макфакс

Скопското обвинителство донесе Наредба за спроведување истражна постапка против едно лице за неовластено производство и пуштање во промет наркотични дроги како и неовластено изработување, држење, посредување и тргување со оружје.

На 15 јануари, во куќа во сопственост на таткото на 48-годишниот осомничен во Сингелиќ, биле пронајдени речиси 13 килограми марихуана во 39 пакувања, како и околу 4 литри хашиш масло, информираат од полицијата.

Покрај тоа, полициските службеници при претресот пронашле и еден пиштол марка „Црвена застава“ 9мм Para, две рамки со по 9 куршуми за овој пиштол и уште 39 куршуми од неутврден калибар.

Надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор за осомниченото лице, бидејќи постои опасност тој да се даде во бегство, да ја попречува кривичната постапка со влијание врз сведоците и сокривање на трагите, како и можност да го повтори делото.

Прикажи повеќе...