Црна хроника
Во Велес повторно средношколска тепачка
Во тепачка во Велес повреден е 18-годишен ученик. Тепачката се случила во кругот на гимназијата „Кочо Рацин‘‘ во Велес, во средатаа навечер околу 19 часот
Осуманесетгодишниот П.Х од Башино Село, во тепачката се здобил со повреди по главата и телото. Нападот според првичните информации на велешката полиција го извршиле тројца ученици.По нападот во кругот на гимназијата по анонимен повик дошла екипа на велешката полиција која повредениот ученик го однела на лекување во Градската болница.Гимнацијалецот е задржан на лекување во велешката Градска болница. Според информацијата од д-р Филип Тодоровски од хируршкото одделение, средношколецот бил примен со потрес на мозокот со расцепна рана на носот, со скршеница на носната коска и други скршеници на коски на лицето и е надвор од животна опасност, но поради повредите е задржан на лекување и опсервација во болницата. Портпаролот на СВР Велес, Анита Стојковска информираше дека полицијата има сознанија за можните сторители на нападот врз ученикот и работи на нивно откривање, по што ќе следи соодветна пријава против нив.Пред две седмици СВР Велес ја расветлуви тепачката во училишниот дворот на средните училиште „Димитрија Чуповски“ и „Кочо Рацин“.Тогаш исто така велешката полиција доби дојава за тепачка, по што веднаш пристигнала на местото на настанот каде ги затекнала повредените А.Џ. (16) и С.А. (18) и двајцата од велешкото село Бузалково.По расчистувањето на случајот се испостави дека оваа тепачка од крајот на октомври е одмазда на македонски средношколци за натепан другар од пред некој ден од старна на нивните врсници од албанска националност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Детали за кражбата на сефот во скопско Црниче: 23-годишник е еден од осомничените
Основното јавно обвинителство Скопје поведе постапка против 23-годишник осомничен за кривично дело тешка кражба од член 236 став 1 точка 1 од Кривичниот законик.
Ноќта меѓу 31 март и 1 април, осомничениот, заедно со уште три лица, провалил во затворен маркет на улицата Востаничка во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или сѐ во вкупна вредност од 285.000 денари.
Со возило пристигнале пред маркетот, со употреба на погоден алат – хебла, клешти и друго дејствувале врз влезната врата од маркетот, но не успеале да ја отворат. Еден од сторителите го стартувал возилото и удрил со задниот дел кршејќи ги двете лизгачки врати. Потоа тој и другите осомничени ги демонтирале и ги поставиле покрај влезот од маркетот. Преку така направениот отвор, сега осомничениот, заедно со другите лица, влегол во просторијата наменета за вработените, од каде што ги одзеле металниот сеф со дневен промет и цигарите, па заминале во непознат правец.
Бидејќи постојат околности што очигледно укажуваат на опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор на осомничениот. Полицијата соопшти дека работи на откривање на неговите соучесници.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.