Црна хроника
Трагедија во Требеништа, се самоуби момче

Осумнаесетгодишно момче се самоубилo утрово во охридското село Требеништа, јавува Охридњус.
Како што информираат од СВР Охрид, момчето направило сообраќајна незгода со автомобилот што му бил купен неодамна, удирајќи во дрво.Откако го довлечкал оштетеното возило дома, ја зел ловeчката пушка на неговиот татко кој легално ја поседувал и си го одзел животот во близина на семејната куќа.На местото на трагедијата извршен е полициски увид во присуство на истражен судија и патолог.Не биле констатирани траги на насилство, по што телото на момчето е предадено на семејството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична против 17-годишник од Кичево: во средно училиште избол 15-годишен ученик

ОВР Кичево поднесе кривична пријава против 17-годишник од Кичево поради постоење основи на сомнение за сторено кривично дело „насилство“.
На 06.10.2025 во средно училиште во Кичево, по претходна расправија, пријавениот со нож нападнал 15-годишен ученик и му нанел убодна рана, по што е лишен од слобода.
Црна хроника
Тешко повреден мотоциклист од Скопје

Вчера во 18:15 часот во СВР Скопје е пријавено дека на булеварот „Борис Трајковски“ во Скопје се случила сообраќајна несреќа помеѓу патничко возило „фолксваген голф“ со скопски регистарски ознаки, управувано од П.Д.(38) од Скопје и мотоцикл „априлиа“ со скопски регистарски ознаки, управуван од И.Г.(51) од Скопје.
Во несреќата со тешки телесни повреди се здобил мотоциклистот, констатирани во Градската општа болница „Св. Наум Охридски“.
Извршен е увид од увидна екипа од СВР Скопје.
Црна хроника
Претрес во Куманово, пронајдена марихуана, лишено до слобода едно лице

Вчера во 19:20 часот, полициски службеници од СВР Куманово го лишија од слобода Ф.Р.(43) од Куманово.
При претрес во неговиот дом, извршен со судска наредба, пронајдена и одземена е марихуана.
Тој е приведен во полициска станица и по целосно документирање на случајот против него ќе биде поднесена соодветна пријава.