Црна хроника
Наркозависник до смрт претепа штипјанец за 450 денари

Старец од Штип доцна синоќа бил убиен на улица во Штип, соопштуваат од СВР Штип
Убиството се случило околу еден час пред полноќ, додека седумдесет и осумгодишниот Србислав Јовевски се движел заедно со уште двајца свои пријатели по улицата „Страшо Пинџур“ во Штип.Ги пресретнал триесет идвегодишниот Д.В., кој претходно и бил добро познат на полицијата, како долгогодишен наркозависник.Тој им барал пари, но тројцата пријатели се обидувале да го избегнат. Почнал да го удира едниот од нив, по што друг му ги дал сите пари што ги имал кај себе, вкупно 450 денари.Во целата расправија се вмешал и Србислав. Наркозависникот почнал да го удира човекот со тупаници и клоци, по што побегнал.Старецот успеал да го викне по телефон синот за да му помогне, по што паднал во бессознание. Тројцата пријатели се пренесени во медицинскиот центар во Штип. Јовевски подоцна им подлегнал на повредите.Телото на Јовевски е предадено на обдукција за да се утврди дали починал од ударите. Осомничениот за убиството е приведен и моментално е на информативен разговор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Апсења во Чаир по насилен инцидент и закана со пиштол

Полицијата во Чаир синоќа привела четири лица од Скопје, меѓу кои и малолетник.
Сè започнало околу 22:50, кога 24-годишните Бе.Р. и Б.Р. – физички го нападнале Б.С. од Скопје. Едниот од нив извадил и пиштол со намера да пука, но потоа сите си заминале од местото на настанот, соопшти МВР.
Кога полицијата ги пронашла, тие заедно со нивниот татко К.Р. и 14-годишниот брат физички ги нападнале полицајците. По ова, биле приведени.
Откако ќе заврши истрагата и ќе се соберат сите докази, ќе им бидат поднесени пријави.
Црна хроника
Повредени повеќе странски државјани во две сообраќајки на македонските автопати

Две сообраќајни несреќи со тешки телесни повреди се случија на македонските автопати во текот на 5 август, во кои се повредени патници од Србија, Велика Британија и Босна и Херцеговина.
Првата несреќа се случила околу 11:15 часот на автопатот Куманово – Граничен премин Табановце, кога патничко возило „Фолксваген“ со српски регистарски таблички удрило во метален столб од бензинска пумпа. Возилото го управувал 29-годишен државјанин на Србија, а повредени се неговите сопатници – двајца британски државјани, на возраст од 29 и 56 години, како и 53-годишен Србин. Повредените се пренесени во Комплекс клиники „Мајка Тереза“ во Скопје, каде што им се констатирани тешки телесни повреди.
Неколку часа подоцна, околу 16:45 часот, друга несреќа се случила на делницата од автопатот А1, во правец од Велес кон Градско. Возач на „БМВ“ со регистарски таблички од Босна и Херцеговина изгубил контрола и излетал од патот. Неговата 26-годишна сопатничка се здобила со тешки телесни повреди, додека возачот (32) е полесно повреден. Двајцата се згрижени во Општата болница во Велес.
Полицијата изврши увид на местата на несреќите, а причините се предмет на натамошна истрага.
Топ
Лихварска шема во Гостивар: Заем од 35.000 евра со камата од 15.000 за една година, па по 3.000 евра месечно

Против две лица, меѓу кои еден нотар од Гостивар и една фирма, тетовската полиција поднесе кривични пријави поради сомнение за низа тешки кривични дела, меѓу кои лихварство, фалсификување и злоупотреба на лични податоци.
Главниот осомничен е Т.В. (39) од селотото Неготино, Гостиварско, кој од 2022 година до моментот на пријавувањето, ја искористувал тешката материјална состојба на едно лице од Гостивар и во повеќе наврати му позајмувал пари со екстремно високи камати. За заем од 35.000 евра, побарал 15.000 евра камата за една година, а потоа, месечно, дополнително по 3.000 евра камата.
Кога оштетениот не можел да ги врати парите, Т.В. со присила и закани го натерал да потпише договор за купопродажба на недвижен имот, заверен кај нотар.
Истиот осомничен, на 27 септември 2023, изготвил и фалсификуван договор за купопродажба на моторно возило кај нотар, во време кога оштетениот бил надвор од државата.
Кривична пријава доби и второосомничениот Ј.Д. (48) од село Добри Дол, кој во својство на овластено лице во нотарската канцеларија во Гостивар, без присуство на оштетениот, на истиот датум заверил договор за купопродажба на возило вредно 1.000 евра на име на И.А. од Гостивар. Од МВР појаснуваат дека без согласностна оштетениот, прибрал, обработувал и користел негови лични податоци и заверил лажен договор.
Истрагата се води за кривични дела: „лихварство“, „употреба на исправа со невистинита содржина“, „фалсификување на исправа“, „злоупотреба на лични податоци“ и „несовесно вршење на службата“.