Црна хроника
Цело семејство изнудувало пари за сопственик на ресторан
Акцијата на полицијата со оперативна обработка „Виторија“ заврши со апсење и притворање на осуммина од кои двајца полициски службеници
Осомничени се за насилство и изнуда кое го вршеле две години. Од две лица успеале да земат околу 16.000 евра, а во други три случаи во тек било изнудување на повеќе милиони денари.Организатор на криминалната група бил сопственик на ресторанот „Виторија“ во Скопје, стапува во деловна соработка со лица сопственици на фирми со кои договара различни видови „бизнис зделки“ (најчесто договорите се усмени) и откако истите ќе ја сработат договорената работа, им кажувал дека не е задоволен од сработеното и дека за „штетата“ што тие му ја направиле им наложувал да му исплатат одреден нереален паричен надомест кој тој ќе го одреди, со што бизнис партнерите му станувале „должници“.За наплата на „долгот“ го ангажирал цело семејство, мајка, татко и син кои поставувале бомби, подметнувале пожари, грабнувале луѓе за да го наплатат наводниот долг. Досега е докажано дека во јануари годинава скопјанец се криел од бандата поради наводен долг од 30.000 евра. Насилниците ја грабнале неговата сопруга заедно со малолетниот син и присилно ја држеле во стан. Цело време ја терале жената да се јавува по роднини и пријатели за да собере пари.Осомничените подметнале бомба под автомобил на државјанин од Србија. Бомбата се откачила во моментот на движење на возилото и експлодирала на улица при што едно лице е повредено и е причинета материјална штета на околните дуќани. Насилниците барале пари за изработка на опрема за производство на пиво и истиот да му ја опреми пиварата во Куманово во вредност од 60 илјади евра. Откако работата била завршена му биле дадени 48.750 евра, а за доплата на сумата му дал џип (кој не бил целосно исплатен кон лизинг компанијата). Потоа еден од насилниците кажал дека наводно не бил задоволен од работата и си ги барал парите и џипот назад. Оштетениот се спротивставил по што почнале заканите и била подметната бомбата.Сопственикот на ресторанот договорил изработка на тенда за 10 илајди евра. Откако му била намонтирана тендата по истата шема насилникот кажал дека е незадоволен и почнувало малтретирањето. Повторно била ставена бомба, но сега пред вратата од станот на оштетениот. И оваа бомба екслодирала додека семејството било дома.На истиот начин биле уценувани скопјани за пари за бизнис за компјутери.Насилниците незадоволни од тоа што не успеале да добијат тендер го натепале претседателот на Управниот одбор на Здружението на архитекти со дрвена безбол палка од зад грб, удирајќи го во пределот на тилот, грбот, нозете.Насилниците се во притвор, а полицијата случаите ги има документирано со примена на посебни истражни мерки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Претреси во Охрид поради фотографирање избирачки список и гласачки ливчиња
Вчера, по претходно добиени оперативни податоци за фотографирање на избирачки список и гласачки ливчиња на првиот круг од претседателските избори одржан на 24.04.2024, од судија на претходна постапка обезебедена е наредба за претрес во дом и помошни простории кај М.М.(51) од Охрид и Т.Ц.Т (44) од Охрид, членови на избирачки одбор предложени од политичка партија, извести МВР.
„При претресот пронајдени се два мобилни телефони, во кои се пронајдени фотографии од избирачки список со лични податоци од гласачи во избирачкиот список, фотографии од гласачки ливчиња со заокружен број, кои се испраќани од гласачи како доказ дека го дале својот глас за еден кандидат, потоа споделени во креирана група за комуникација на мобилна апликација за комуникација“, соопшти МВР.
Со двете лица извршен е разговор во полициска станица. Дополнително, во текот на денешниот ден повикани се и други лица со цел обезбедување на дополнителни доказни материјали за кривичното дело по член 149 од КЗ “злоупотреба на лични податоци” и прекршок по член 190 став 2 од Изборниот законик. По целосно документирање на случајот, ќе следуваат соодветни поднесоци, се додава во соопштението на МВР.
Црна хроника
Кривични против поранешен градоначалник на скопска општина и директорка на детска градинка
Одделот за криминалистичка полиција преземаше предистражни дејствија и во координација со СВР Скопје – Единица за економски и компјутерски криминал до ОЈО Скопје поднесе кривична пријава против М.Р., директорка на детска градинка во скопска општина и против поранешен градоначалник на една скопска општина за кривично дело „злоупотреба на службената положба и овластувањата“ од чл.353 од КЗ.
„Имено, првопријавената М. Р., како директор на детска градинка на 12.05.2021, по објавен оглас за јавна набавка на стоки – електрична опрема за детска градинка – две машини за перење на алишта, со пречекорување на своите службени овластувања, знаејќи дека максималниот износ на набавката требало да биде во вредност од 1.300.000,00 денари без ДДВ, кои средства требало да бидат обезбедени од сопствената сметка на договорниот орган, како најповолен понудувач избрала правно лице од Скопје, иако понудило цена во износ од 1.329.800,00 денари без ДДВ, за што донела и Одлука за обезбедување на дополнителни средства и изменување на одлуката за јавната набавка, со кое склучила Договор за јавна набавка на вкупен износ од 1.569.164,00 денари со вклучен ДДВ, иако од истото правно лице не била доставена банкарска гаранција со самото склучување на договорот во износ од 156.916,00 денари, кој исто така не го испочитувал рокот за достава и набавените машини и наместо за 15 дена ги доставил со задоцнување од околу 150 дена од склучувањето на договорот, по што првопријавената М.Р. со неизвршување на своите службени овластувања, наместо да го раскине склучениот договор со избраниот понудувач, да активира негативна референца во е-системот на Бирото за јавни набавки и да поведе постапка за наплата на договорената казна во износ од 81.596,00 денари, таа не го направила тоа“, извести МВР.
„Второпријавениот како градоначалник на една скопска општина со пречекорување на своите службени овластувања, иако знаел дека средствата за плаќање на машините требало да бидат обезбедени од сопствената сметка на градинката, извршил промена со проширување на буџетот на општината во делот дотации во износ од 1.534.000,00 денари, и истите на 29.11.2021 ги префрлил на сметката на градинката, кои парични средства од страна на првопријаваната М.Р. истиот ден биле платени кон избраниот понудувач, додека на 22.12.2021 година извршила плаќање на средства во износ од 35.164,00 денари од сопствената сметка на градинката, на кој начин првопријаваната и второпријавениот го оштетиле буџетот на општината за износ од 1.534.000,00 денари, додека првопријавената го оштетила буџетот на градинката во износ од 273.676,00 денари како ненаплатена банкарска гаранција и договорена казна и исплатените парични средства од сопствената сметка, на кој начин му овозможиле на правното лице од Скопје да се стекне со противправна имотна корист во износ од 1.807.676,00 денари“, соопшти МВР.
Црна хроника
Во Сопиште пронајден скопјанец пријавен дека се оддалечил од здравствена установа во Карпош
Вчера во 17.05 часот во СВР Скопје било пријавено дека на подрачјето на село Сопиште, полициски службеници од Полициската станица Кисела Вода го пронашле 38-годишниот Ј.Т. од Скопје, извести МВР.
Лицето на 30.04.2024 било пријавено дека се оддалечило од здравствена установа на подрачјето на Карпош, додаваат од МВР.