Детска расправија била причината поради која настанала тепачката во која еден ученик утрово беше повреден со нож во левата рака кај трговскиот центар Чаирчанка, велат од МВР

Двете групи биле од албанска национална припадност и според првичните информации, не станува збор за меѓуетнички судир.Едната група учесници во тепачката учеле во основното училиште „Цветан Димов“, а другата група во основното училиште „Лирија“.Сите биле на возраст од 13 и 14 години, односно биле седмоодeленци и осмоодeленци, а повреденото четиринаесет годишно момче било ученик во „Цветна Димов“.Момчето било пренесено во болница и му била констатирана расекотина на левата подлактица. Неговата состојба е стабилна.Во тек се разговори со учесниците во тепачката, кои се водат во присуство на родителите и се утврдуваат причините тепачката.Од почетокот на месецов, тепачките во училиштата станаа секојдневие. Започнаа со ранети ученици во хемиското училиште „Марија Кири – Склодовска“, продолжија во ветеринарното во Драчево и гимназијата во Велес.Скоро сите од тепачките беа започнати и завршија кобно од банални причини.