Црна хроника
Ѓултен Џемаили и Амди Рамковски заминуваат во домашен притвор

Притворените од случајот „Пајажина“, Ѓултен Џемаили и братот на Велија, Амди Рамковски, заминуваат во домашен притвор
Кривичниот совет ја одби жалбата на Обвинителството, кое ја обжали одлуката на истражниот судија кој од обичен притвор ги пушти двајцата притвореници во домашен притвор поради здравствени проблеми. Сега во притвор остануваат деветмина од осомничените, откако уште тројца беа пуштени во домашен притвор.Осомничените од случајот „Пајажина“ денеска по третпат беа изведени пред истражен судија, откако Обвинителството предложи ново проширување на истрагата.Адвокатот на обвинетите, Мирослав Вујиќ не знаеше да каже за колкава сума се проширува истрагата.Овојпат обвинителката Гордана Гешковска не била присутна, па не можеле да се запознаат со тоа врз основа на кои докази и кои околности го заснова своето барање за проширување на истрагата.„Ни беа презентирани некои документи кои воопшто не се однесуваа на барањето и описот кој што беше во барањето за проширување. Ние бараме што побрзо да оди на вештачење, стручни лица да кажат за што се работи, а не вака да ни се презентираат суми, да ни се зголемуваат, намалуваат. Денеска се истресени такви суми од ракав, што не можеме на хартија да ги пресметаме“ изјави Вујиќ.Според непотврдени информации, Обвинителството бара проширување за нови седум кривични дела и за нова сума од 7 милиони евра.За сметките на фирмите на „Перо Наков“ кривичниот совет сè уште нема одлучувано.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Претставувајќи се како божји човек кој крши магии, скопјанец дошол до 400.000 евра од сопружници, барале помош за синот

Педесетчетиригодишен маж од селото Трубарево, скопско, е приведен поради сомнеж за измама, со што се стекнал со противправна имотна корист од околу 400.000 евра.
Според пријава поднесена во полицијата во Штип, од страна на Б.Д. (76) од Берово, во периодот од 2022 до 2025 година осомничениот Д.И. (54) со лажно прикажување на факти го довел во заблуда пријавителот и неговата сопруга М.Д. Притоа се претставувал како „Божји човек“ со наводни паранормални способности – бајач и истерувач на магии, тврдејќи дека над нивниот син е направена магија која го загрозува неговото здравје и живот.

Фото: МВР
Во тој контекст, оштетените во повеќе наврати на различни локации во Скопје и Берово му давале парични средства од 5.000 до 6.000 евра за помош, при што во вкупниот период пријавениот се стекнал со 400.000 евра.
По пријавата, полициски службеници од СВР Штип, во соработка со ОВР Берово, Одделот за криминалистичка полиција и СВР Скопје, а по насоки на јавен обвинител од ОЈО Кочани, спроведоа оперативни активности. Парите што оштетениот имал намера да му ги даде на осомничениот биле претходно крим-технички обработени.

Фото: МВР
На 4 јули во Берово биле приведени Д.И. и неговата мајка Д.И. (76). При претрес кај нив биле пронајдени 3.000 евра, како и други предмети поврзани со делото. По спроведените активности, против двете лица е поднесена кривична пријава и се изведени пред судија за претходна постапка во Основниот суд во Кочани.

Фото: МВР

Фото: МВР

Фото: МВР

Фото: МВР
Топ
Куќен притвор за возачот што го усмрти Југослав на кеј, претходно бил осудуван за насилство и непочитување на ковид мерки

Судот му определи куќен притвор на 25-годишниот скопјанец кој со мотор без дозвола го усмрти Југослав Николовски (68) на пешачка патека на кејот на Вардар кај Паркот на франкофонијата. Обвинителството утрово соопшти дека вложило жалба на одлуката за куќен притвор.
По информацијата дека двапати претходно бил осудуван, од Обвинителството информираа дека дека кај нив е евидентиран со предуда за насилство како малолетник, а потоа и уште една за здравствени прописи во време на Ковид кризата.
Несреќата се случи на 1 јули, кога осомничениот управувајќи мотоцикл „кавасаки“ без дозвола, удри во пешакот Николовски. Според информацијата од Обвинителството, тој возел преку површина наменета за движење на пешаци и не се придржувал кон прописите. Кога дошол во близина на зградата, не ја прилагодил брзината на движење на моторот. Покрај тоа, управувал без да поседува возачка дозвола и на недозволено место, па со левиот страничен дел од мотоциклот удрил во телото на пешакот Југослав Николовски, кој се движел по пешачката патека. При ударот, оштетениот останал да лежи повреден на патеката, а возачот и неговиот сопатник паднале на коловозот.
Пешакот се здобил со тешки телесни повреди поради кои следното утро починал, а полесно повреден бил и сопатникот на моторот. Наместо да укаже помош, осомничениот го оставил мотоциклот и другите двајца повредени и пеш го напуштил местото, соопшти обвинителството.
Обвинителството бараше притвор поради фактот дека осомничениот веднаш по настанот избегал од местото на несреќата и извесен период бил недостапен за органите на прогонот, што за јавниот обвинител е потврда за опасноста тој повторно да се даде во бегство. Дополнителна причина за барањето за притвор е и тоа што претходно бил осудуван.
Топ
17-годишник загина во сообраќајка во Кичево – возел мотор и се судрил со „ауди“

Несреќа со смртни последици се случи вчера во Кичево, пришто животот го загуби 17-годишно момче од овој град, кое управувало мотоцикл „хамачи“.
Околу пладне, на пресекот на улиците Борис Кидриќ и Мирко Милески, тој се судрил со „ауди“ со кичевски регистарски ознаки, управувано од А.Е.(22) од кичевското село Стрелци, соопшти полицијата.
Малолетното момче со тешки повреди не успеало да стигне до клиниката „Мајка Тереза“ во Скопје, пришто за време на транспортот им подлегнало на повредите, а доктор од Итната медицинска помош, констатирал смрт.
Извршен е увид, а врз телото ќе биде извршена обдукција.