Двајца малолетници се лесно повредени во тепачка што се случила вчера, во дворот на Основното училиште „Григор Прличев„ во Охрид, јавува Ohridnews.

Тепачката се случилa околу 13 часот и 45 минути кога во школскиот двор се сретнале две групи ученици од седмо и осмо одделение. Во едната група имало и двајца ученици во прва година од средното училиште „Св.Климент Охридски“. При средбата, настанала меѓусебна вербална расправија, по што еден малолетник со пластична цевка го удрил неговиот врсник од другата група. Истиот се спротивставил и возвратил со удари со бокс, по што настанала меѓусебна тепачка со размена на повеќе удари со раце и нозе, здобивајќи се притоа со гребаници по телото.Со учениците, вчера во СВР Охрид, во присуство на нивни родители, извршен е разговор. По целосно документирање на настанот, СВР Охрид ќе преземе натамошни соодветни мерки согласно Законот за малолетничка правда.