Црна хроника
254 санкции за брзо возење на територијата на Македонија
Во текот на вчерашниот ден (18.7.2023) Министерството за внатрешни работи спроведе засилена акциска контрола на територијата на Република Северна Македонија за санкционирање возила што се движат со брзина поголема од дозволената, при што санкционирани се 254 возачи.
Од нив, 11 возила се движеле со брзина над 50 километри на час повеќе од дозволеното, а едно се движело со дури над 70 километри на час повеќе од дозволената брзина.
Притоа 139 возила ја пречекориле брзината во населено место, а 115 надвор од населено место.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Почина седумесечно бебе во специјалната болница во Охрид: му бил извршен хируршки зафат, a ден пред тоа било донесено со хематом на главата
Денеска, во раните утрински часови, во СВР Охрид било пријавено дека во специјалната болница „Св. Еразмо“ во Охрид, по извршен хируршки зафат, починало седуммесечно бебе од Вевчани, кое претходниот ден околу 16 часот било донесено во болницата од мајка му.
Бебето, според пријавеното, било примено во болницата со хематом на главата и по констатирано мозочно крвавење, веднаш била извршена операција.
Според изјавата на мајка му, повредите настанале по пад од импровизиран кревет во семејниот дом во Вевчани.
По насока на јавен обвинител, телото ќе биде пренесено на Судската медицина во Битола, каде што ќе се изврши обдукција. Се преземаат мерки за расветлување на настанот, соопшти полицијата.
Топ
Автомобили се судрија во Чаир, настрада пешак – жената што се нашла на улицата тешко повредена
Вчера, на улицата Ферид Бајрам во скоската населба Чаир, се судрија два автомобила, при што удрена е и жена пешак.
Од МВР велат дека во несреќата учествувале две возила, кои ги управувале 30-годишници, а жената што се нашла на местото има 65 години. Во несреќата таа добила тешки телесни повреди, констатирани во Градската општа болница „Св. Наум Охридски“.
Полесно повреден е 19-годишен сопатник во едното возило.
Извршен бил увид.
Топ
Почина 14-годишно момче во Битолско: му се слошило и паднало
Вчера во 16.45 часот во СВР Битола, од Итна медицинска помош било пријавено дека околу 15.30 часот во атар на село Крстоар, Битолско, на 14-годишно момче од Битола му се слошило и паднало по што било пренесено во Клиничка болница – Битола, каде што лекар констатирал смрт без траги на насилство“ – информираат од полицијата.
Надлежните извршиле увид на лице место, а по наредба на јавен обвинител, телото на починатото момче е дадено на обдукција, со цел да се утврди причината за смртта.