Црна хроника
Го убил својот пријател и го закопал во сопствената спална соба
Во петокот во скопската населба Драчево беше откриено злосторство кое се случило пред две години.
Во Полициската станица во Драчево вчера 58-годишниот Стојадин Сталетовиќ го пријавил Милош Давчевски дека го убил својот познаник кој бил пријавен за исчезнат.Давчевски во 2009 година го убил Зоран Ѓорѓиевски роден 1969 година. Го задавил со пешкир, а потоа во сопствената спална соба ископал дупка длабока околу еден метар, го полеал телото со вар и го закопал.Од МВР информираат дека убиецот го затворил подот и врз него ставил мебел.На посочената адреса од страна на Сталетовиќ екипи на МВР извршиле увид и пронашле човечки скелет и делови од облека, а осомничениот за убиството и тој што го пријавил се приведени на информативен разговор.Приведениот Давчевски го признал своето дело.Осомничениот кажал дека немал намера да го убие Зоран, туку имале расправија по која го нападнал и набргу откако забележал дека истиот не давал знаци на живот се обидел да го реанимира, а откако не успеал побарал сугестија и помош од пријателот.Во тек се активности за целосно расчистување на случајот по што ќе следат соодветни пријави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против битолчанец, ставил под хипотека туѓ недвижен имот во Охрид и стекнал корист од 352 илјади денари
СВР Охрид поднесе кривична пријава против 61-годишниот К. Р. од Битола поради постоење основи на сомнение за сторени кривични дела неизвршување судска одлука и самовластие.
„Тој, свесно и спротивно на судска пресуда, става под хипотека недвижен имот во Охрид сопственост на друго лице и на тој начин стекнал противправна имотна корист од 352.000 денари“, велат од СВР Охрид.
Топ
Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец
Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против правно лице од Скопје за сторено кривично дело узурпација на недвижности од чл. 225 од КЗ на РСМ.
А. Р. како сопственик и управител на второпријавеното правно лице подолг временски период противправно завладеал имот, сопственост на државата, и го ставил во владение на своето правно лице.
Имотот што се наоѓа веднаш до цветниот пазар зад Поликлиниката ‘Бит-пазар’ во Скопје, кој претставува градежно неизградено земјиште во општа употреба во сопственост на државата, А. Р. противзаконски го оградил со наплатна рампа и куќарка за наплата на влез-излез на предметното земјиште, каде што за секој влез-излез наплаќал соодветен паричен надомест и на тој начин го оневозможил слободното движење и користење на предметниот простор од страна на граѓаните и институциите на РСМ.
Црна хроника
Уапсен 39-годишник од Студеничани, возел „џип компас“ евидентиран во базата на Интерпол како украден
Вчера попладне, во 15.40 часот, на граничниот премин Долно Блаце, полициски службеници го лишиле од слобода 39-годишниот Џ. Р. од село Црн Врв, општина Студеничани, извести МВР.
„При извршена гранична контрола било констатирано дека патничкото возилото ‘џип компас’, со италијански национални ознаки, кое го управувал, сопственост на правно лице од Италија, е евидентирано во базата на Интерпол како украдено“, соопшти МВР.
Тој бил задржан во Полициското одделение Мирковци, а возилото било одземено за понатамошна постапка. По целосно документирање на случајот, ќе биде поднесен соодветен поднесок.