Црна хроника
Еден загинат и двајца повредени во сообраќајка кај село Буковиќ
Еден загинат и двајца повредени, меѓу кои едно осумгодишно девојче е билансот од сообраќајката која што се случи вчера околу 18 часот на автопатот Скопје-Тетово, кај скопското село Буковиќ
„Голф“ со скопски регистерски таблици излетал од патот, удрил во заштитната ограда и се превртел. Со тешки повреди се здобила сопатничката, шеесетгодишната Саиде Рамадани од село Раовиќ, а возачот на автомобилот и осумгодишно девојче сопатник се здобиле со полесни повреди.На пат кон болница Рамадани починала, додека возачот и девојчето биле пренесени во Градската болница „8-ми септември“. Возачот е задржан на лекување, додека девојчето е пуштено дома. Извршен е увид на местото и се утврдува како автомобилот излетал од патот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.