Црна хроника
Дрски кражби во центарот на Скопје, оружен грабеж на пошта, ограбен прилепчанец…

Неколку дрски кражби се случија викендов во центарот на Скопје, а една и во Прилеп, соопшти полицијата.
Според истиот извор, во сабота попладне на камениот мост во Скопје, двајца малолетници од словенечки државјанин побарале пари и откако тој им дал, во моментот кога сакал да го врати паричникот во џебот, едното лице му го грабнало паричникот од рака и почнало да бега, но тој успеал да ги стигне и фати.
Истиот ден вечерта околу 22:10 часот, две лица на Кејот !3 Ноември, спроти сендичарата „Вили“, ја нападнале А.Ј. и и одзеле паричник во кој имала лична карта, трансакциона маестро картичка од Комерцијална банка, уплатена картичка со овластување од „Спектра 91 ДООЕЛ“, студентска легитимација и 900 денари.
Тешката кражба сторителите ја извршиле на тој начин што двете деца ја фатиле за рацете и и ја влечеле ташната, а потоа од истата го одзеле паричникот.
Вооружен грабеж се случи во сабота наутро на објект на Македонски пошти на улица Јани Лукровски, кога вооружен маж со фантомка на главата и пиштол упаднал во поштата и ги натерал вработените да му ги дадат парите.
Се утврдува колкава сума успеал да одземе.
Ноќеска околу 2:10 часот во Прилеп, во влез на зграда бил нападнат С.П од три лица, при што му била украдена чантата во која имал 10.000 денари.
Полицијата трага по сторителите. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична пријава за даночно затајување

СВР Струмица до Основното јавно обвинителство Струмица поднесе кривична пријава против правно лице од Струмица и управителот Ј.П.(59) од село Секирник, општина Босилово, поради постоење на сомнение за сторено кривично дело „даночно затајување“ по член 279 од Кривичниот законик.
Во периодот од 01.12.2020 до 31.12.2020, согласно пријавената состојба од вкупно 11.755.927 денари, пријавените имале обврска да пресметаат и уплатат данок на друг доход во вкупен износ од 1.306.083 денари, но не го уплатиле и за таа сума го оштетиле државниот буџет.
Топ
Уапсени двајцата возачи што удрија пешаци во Скопје, автомобилите одземени

Полициски службеници од СВР Скопје го лишија од слобода 45-годишниот И.С. од Скопје, затоа што на 27.03.2025 околу 21.50 часот во Скопје, на крстосница од улицата „Адем Демачи“ со улицата „Методија Митевски“, со патничко возило „фиат“ со скопски регистарски таблички удрил во пешакот А.А.(57) од Скопје.
Пешакот е пренесен за укажување на лекарска помош во ГОБ „Св. Наум Охридски“, каде му се констатирани тешки телесни повреди. Известен е јавен обвинител, а увид извршила екипа од СВР Скопје И.С. е задржан во полициска станица, а возилото е одземено за понатамошна постапка.
Исто така, полициски службеници од СВР Скопје го лишија од слобода 52-годишниот Б.Х. од Република Турција, со живеалиште во Скопје, затоа што на 27.03.2025 околу 17.30 часот во Скопје, на крстосницата од ул.„Филип Втори Македонски“ со ул.„Мирче Ацев“, со патничко возило „цитроен“ со скопски регистарски таблички удрил во Л.М.(48) од Скопје.
Во несреќата со тешки телесни повреди се здобила Л.М., констатирани во ГОБ „Св.Наум Охридски“. Увид на местото на несреќата извршила екипа од СВР Скопје, а по наредба на јавен обвинител возачот е задржан во полициска станица, а возилото е одземено за понатамошна постапка. По целосно расчистување и документирање на случаите, ќе бидат поднесени соодветни пријави.
Црна хроника
Прегазен пешак во Македонска Каменица

Вчера во 16.25 часот во Полициското одделение Македонска Каменица било пријавено дека на ул.„14 Јуни“ во Македонска Каменица, патничко возило „фолксваген голф“ со регистарски ознаки од Македонска Каменица, управувано од П.М. (71) од Македонска Каменица, удрило во пешакот И.Ј.(80).
Во несреќата пешакот се здобил со тешки телесни повреди, констатирани во Клиничка болница Штип. Извршен бил увид од увидна екипа од ОВР Делчево.