Црна хроника
Тетовци сакале да заработат од тепачките, на тезги продавале ладно оружје
![](https://makfax.com.mk/wp-content/uploads/2016/10/984b9a19-31b7-41a8-9c88-ea0954722caa.jpeg)
Двајца тетовци сакале да заработат од меѓуетничките тепачки кои во изминатиов период се случуваа во Скопје и во Тетово.
Двајца тетовци сакале да заработат од меѓуетничките тепачки кои во изминатиов период се случуваа во Скопје и во Тетово. Процениле дека е зголемена побарувачката на ладно оружје, па на инпровизирани тезги во Тетово продавале метални боксирачи, пендреци на расклопување, ножеви и друг вид на ладно оружје.
Тетовската полиција вчера ги затекнала како го продаваат оружјето на две различни локации во Тетово и ги привела.
Едниот од нив, кој бил на возраст од 42 години, го продавал оружјето на импровизирана тезга на улица „Беличица“. На тезгата можело да се најдат 12 метални боксирачи, три метални пендреци на расклопување, три ножа и еден нож со метална рачка.
Во истото време на зелениот пазар, ваков вид на оружје продавал и четириесет и седумгодишен жител на Мала Речица.
Полицијата од неговата тезга запленила 25 боксирачи, девет метални пендреци, два ножа (“скакаквци’’ ), четири ножа на расклопување и два други ножа.
Двајцата се приведени во Полициската станица Тетово и со нив е извршен службен разговор.
Во полиција тврделе дека не знаеле дека продажбата на ладно оружје е незаконска, а рекле дека оружјето го набавувале во Скопје. Против двајцата ќе бидат поднесени соодветни пријави.
Полицијата при контрола на ранците и џебовите на учениците, по секојдневните тепачки коишто се случуваа изминативе две недели, пронајдоа метални палки на извлекување со гумени рачки, метални шипки, ножеви и боксирачи.
Во изминатиов период имаше над 20 повредени лица во тепачки во Скопје и Тетово што се случуваа во автобусите и на улиците. Дел од напаѓачите веќе се во притвор./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се скарале поради паркинг па му се заканил со пиштол: уапсен тетовец
![](https://makfax.com.mk/wp-content/uploads/2023/04/340100298_727343369082993_245299473340502978_n.jpg)
Вчера во 10.00 часот на улица „146“ во Тетово, полициски службеници од СВР Тетово го лишиле од слобода А.А.(51) од тетовско, затоа што околу 08.50 часот, поради недоразбирање околу паркирање на возила, со пиштол му се заканил на Н.А.(54) од тетовска Мала Речица.
При приведувањето, кај А.А. бил пронајден и одземен пиштол кубура, додека подоцна, со судска наредба, бил извршен претрес во неговиот дом, при што биле пронајдени и одземени пиштол „Црвена застава“ калибар 7.62мм, две рамки за пиштолот и 46 куршуми калибар 7.62мм.
Лицето било задржано во полициска станица и по целосно документирање на случајот против него ќе биде поднесена соодветна пријава, информира МВР.
Црна хроника
(Видео) Претрес кај полициски службеници од Скопско: пронајдено оружје и муниција
![](https://makfax.com.mk/wp-content/uploads/2024/07/6-1-1.jpg)
Вчера полициски службеници од Одделот за криминалистичка полиција – Сектор за недозволена трговија со дрога, оружје и опасни материи во координација со Одделот за внатрешна контрола, криминалистички истраги и професионални стадарди и СВР Скопје – Единица за недозволена трговија беше извршен претрес во дом кај две лица – полициски службеници за кои претходно беше утврдено дека на социјалните мрежи објавуваат фотографии со оружје.
При претресот, извршен со судска наредба, во нивниот дом во село Сингелиќ, скопско, биле пронајдени една автоматска пушка, два пиштоли, 19 куршуми 9 мм, еден рап во кој има четири рамки за автоматска пушка, пет празни рамки за автоматска пушка, 125 куршуми калибар 7.62×39, пет куршуми непознат калибар, еден револвер, една празна рамка и шест празни рамки кои ги поседуваат без дозвола. Исто така, при претресот во домот и при преглед на возилото на еден од нив било пронајдено и друго оружје и муниција кои ги поседувале со дозвола, соопшти полицијата.
„Подоцна, исто така, со судска наредба, беше извршен и претрес во викенд куќа во село Стрима, општина Липково, каде претходно беше утврдено дека е направена фотографијата и објавена на социјална мрежа, но во неа не беа пронајдени предмети кои потекнуваат од кривично дело.
Со двајцата полициски службеници и нивниот родител, во присуство на адвокат, беа извршени службени разговори, по што беа извршени консултации со јавен обивнителе од Основното јавно обвинителство за гонење на организиран криминал и корупција и против нив ќе биде поднесена соодветна кривична пријава“, информира МВР.
Црна хроника
Повеќе лица агресивно се однесувале кон медицински персонал во болницата во Струга
![](https://makfax.com.mk/wp-content/uploads/2023/02/policija-2.jpg)
Утрово во 00.57 часот во ОВР Струга е пријавено дека во Општата болница во Струга, повеќе лица агресивно се однесувале кон медицинскиот персонал.
Увид на местото увид извршија полициски екипи и дежурен јавен обвинител.
Полицијата соопшти дека се преземаат мерки за расчистување на случајот.