Црна хроника
Вежба на МВР: Киднапиран авион на аеродромот на „Александар Велики“
Двајца терористи утрово киднапираа авион на аеродромот „Александар Велики“ и во заложништво држеле вип личности.
По вакво сценарио утрово од 9.36 часот до 11.11 часот на аеродромот во Скопје се изведуваше акцијата насловена како “Април 2012“ во којашто беа вклучени стотина овластени службени лица од Бирото за јавна безбедност, УБК, припадници на Единицата за специјални задачи и Единицата за брзо распоредување, како и припадници на СВР Скопје задолжени за обезбедување на сообраќајници и на градот.
„Се дејствуваше, согласно замисленото сценарио на вежбата во кое двајца вооружени грабнувачи движејќи се со аеродромско возило успеваат да влезат во авион во намера заедно со воздухопловот да киднапираат ВИП лице, како и други две лица патници во авионот. Акцијата беше завршена со ослободување на грабнатите и приведување на киднаперите. Инаку таа е генерална проба за главната вежба која наскоро треба да биде изведена“ соопштуваат од МВР./крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Сомнителни лица со возило се движеле низ воениот објект Криволак, во автомобилот имале алати за ископ
Полицијата поднесе кривична пријава против Б.А.(50) од с.Никуштак, општина Липково, Р.М.(50) од с.Вакуф, кратовско и Б.А.(37) од с.Орланци, скопско, поради постоење основи на сомнение за неовластено влегување во воени објекти и правење скици или цртежи на воени објекти и борбени средства.
„На 14 април 2024 пријавените биле затекнати како со патничко возило „шаран“ со скопски регистарски ознаки се движат низ воениот објект Криволак и при преглед било утврдено дека во возилото има метал – детектори и скенер за вршење археолошки истражувања, како и алат за вршење ископ за кои не поседуваат соодветна документација“, објави МВР во дневниот билтен.
Црна хроника
Државјанин на Турција најден починат на Бит Пазар
Вчера во полицијата било пријавено дека во станот во кој престојува на на подрачјето на Бит Пазар, бил пронајден починат А.К.(69) од Република Турција, со престој во Скопје.
Лекар од Итна медицинска помош констатирал смрт без видливи траги на насилство, а по наредба на јавен обвинител телото на починатиот било предадено на обдукција.
Извршен бил увид.
Црна хроника
Сопружници од Скопје меѓусебно се обвиниле за напад среде трговски центар во Центар
Педесетгодишен скопјанец пријавил во полицијата дека пред два дена бил нападнат од неговата 36-годишна сопруга во трговски центар на подрачјето на Центар.
Исто така, и сопругата пријавила дека била физички нападната од нејзиниот сопруг, кој и упатувал и закани, а потоа и го одзел мобилниот телефон и го фрлил.
Се преземаат мерки за расчистување на случајот, велат од МВР.