Црна хроника
Штипјанец претепан со безбол палка
Тројца насилници вчера претепале штипјанец во неговата куќа во штипското село Карбинци, соопшти МВР.
Разбојниците вчера во 19.30 часот насилно ја отвориле вратата, влегле во куќата и почнале да го удираат четириесет и едногошниот Е.Д. со безбол палка пред неговите родители.
На штипјанецот укажана му е лекарска помош, а случајот е пријавен во полиција./крај//фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Гостиварец нападнал малолетник во училиштен двор, поднесена кривична пријава
Надворешната канцеларија за криминалистички работи во Гостивар поднесе кривична пријава против 43-годишниот Л.Џ. од градот, поради постоење сомнежи за „насилство врз дете“.
Според податоците од истрагата, инцидентот се случил на 25 декември 2025 година, во двор од основно училиште во гостиварско, по претходно нарушување на јавниот ред и мир помеѓу малолетници, во кое учествувал синот на пријавениот.
По настанот, Л.Џ. физички нападнал друг малолетник, информираат од полицијата.
Црна хроника
По породувањето, си заминалала без бебето: 24-годишна жена од Велес под истрага
Полицијата во Велес поднесе кривична пријава против 24-годишна девојка од овој град поради постоење основи на сомнение за сторено кривично дело „запуштање и малтретирање на дете“.
Според информациите од полицијата, на 1 февруари 2026 година, по породување во ЈЗУ Општа болница Велес, пријавената доброволно, со депониран потпис, го напуштила гинеколошкото одделение и притоа го оставила новороденото бебе.
Црна хроника
Суспендирана полицајка од Кочани: се сомничи дека насилно внела колешка во возило и не ѝ дозволила да излезе
МВР поднесе кривична пријава против припадничка на полицијата од Кочани, поради сомнение за кривично дело „противправно лишување од слобода“, предвидено по член 140 став 1 од Кривичниот законик.
Пријавената Ј.Н., вработена во Полициско одделение за безбедност на патниот сообраќај во Кочани при СВР Штип, на 13 септември 2025 година, на место викано „Суитлак“ во Штип, се сретнала со женско лице – полицаец-приправник, исто така вработена во МВР, по што, според податоците на Одделот: „Насилно ја внела во возило ‘бмв’ со кое дошла на локацијата, ја удирала по телото и не ѝ дозволила да излезе, одземајќи ѝ ја слободата на движење.“
Со сторените дејствија, според внатрешната контрола, постои основано сомнение дека Ј.Н. го сторила горенаведеното кривично дело.
Дополнително, Одделот ќе поднесе и предлог за поведување дисциплинска постапка против пријавената, а како задолжителна мерка ќе изрече суспензија од работното место до завршување на постапката.

