Црна хроника
Затворски службеник од Прилеп се заканувал со пиштол

Вработен во затворот во Прилеп, пијан, со службениот пиштол се заканувал кон свои сограѓани, информира МВР.
Имено, во петок попладне, околу 14.00 часот, во полициската станица во Прилеп, Б.Д. (37) од Прилеп пријавил дека лицето З.Ј. вработено во затворот во Прилеп, во видно алкохолизирана состојба и во униформа со пиштол на појасот, лисици и пендрек, им се заканувал.
Службеникот со автомобил марка „Алеко“ дошол пред куќата на Б.Д. и викнал по него, по што излегла неговата сопругата Н.Д. која му кажала дека Б.Д. не е дома, а го побарала на мобилен телефон.
З.Ј. на агресивен начин и го зел телефонот со цел тој да зборува со Б.Д., со образложение да му кажел дека му ги носел 100-те евра кои наводно му ги должел.
Кога Б.Д. дошол со такси и влегол во дворот, З.Ј. веднаш го фатил за вратот и почнал да го дави, а откако Б.Д. паднал на земја, З.Ј. го извадил службениот пиштол и го вперил кон него.
Но, сопругата на оштетениот Н.Д. го фатила З.Ј. за рака, а Б.Д. побегнал, додека З.Ј. со вперен пиштол мафтал низ дворот и се заканувал кон сите, а потоа заминал.
Полицијата во Прилеп презема мерки за расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Беровец од погребално претпријатие пријавен дека во депонија фрла и закопува остатоци од починати лица, МВР го расчистува случајот

Пред два дена во полицијата во Берово било пријавено дека на место викано „Црвени брегови“, атар на Берово, бил забележан лиценциран извршител за погребални услуги во општината како на градежна депонија фрла и закопува остатоци од починати лица, извадени од градските гробишта во Берово.
„Веднаш по добиената пријава, во консултација со јавен обвинител и во содејство со ракувач со работна машина багер од јавното претпријатие за комунални работи во Берово, било извршено пребарување на посоченото место и на пошироката околина, но не биле пронајдени предмети кои потекнуваат од кривично дело, туку биле пронајдени само остатоци од градежен шут и остатоци од отпад.
По дополнително преземени мерки и по извршени разговори во ОВР Берово било дојдено до сознание дека лиценцираниот извршител на погребални услуги во повеќе наврати вршел ископување на стари гробови и ги фрлал остатоците од починатите лица на друга локација. Додека, подоцна, по овластување на јавен обвинител, бил извршен увид на гробиштата во селото Смојмирово и на удолницата на јужната страна биле пронајдени пет коски кои наликуваат на коски од човек“, велат од МВР.
По целосно расчистување и документирање на случајот, ќе биде поднесена соодветна пријава.
Топ
Работниците копале дупка за шахта и нашле коски во дворот на амбулантата во Илинден

Коски биле најдени за време на ископ на дупка за шахта, во дворот од амбулантата во населбата Илинден.
„Амбулантата во моментов се реновираа, а при ископот најдени се коски, слични на човечки“, информираа од МВР.
Коските биле дадени во Институтот за судска медицина за обдукција.
Се преземаат мерки за расчистување на настанот.
Црна хроника
(Видео) Кавадарчанец со „бмв“ дрифтал на улиците, МВР му го одзеде возилото поради создавање бучава

Полицијата запре „бмв“ управувано од Р.С. од Кавадарци и привремено го одзеде поради создавање на бучава.
Според информацијата на полицијата, возачот бил сопрен поради претходна објава на социјалната мрежа Инстаграм, на која се гледа дека го управува возилото со нагло зголемување на брзина, со што предизвикува пролизгување на погонските тркала и создавање бучава.
Во станица за технички преглед било извршено мерење на бучава и утврдено дека е над дозволената, велат од МВР.
Возилото е привремено одземено на период од 90 дена.