Црна хроника
Загина параглајдерист во виничко
Параглајдеристот Сашко А. трагично загина во средата изутрина во виничкото село Крушево, на падините на планината Плачковица, соопшти СВР Штип.
Четириесет и едногодишниот жител на селото Крушево утрово околу 8 часот со својот автомобил стигнал на местото од каде планирал да полета, но кратко време по полетувањето паднал.
Настраданиот параглајдерист бил пренесен во кочанската болница, каде лекарите можеле само да констатираат смрт.
Најверојатно параглајдерот бил негов и не летал со некое здружение на параглајдеристи.Телото е предадено на обдукција за да се утврдат точните причини за смртта.
Се очекува на лице место да дојдат Комитетот за истражување на сериозни инциденти во воздухопловството и Агенцијата за цивилно воздухопловство да ги испитаат причините поради кои се случила несреќата./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Исчезна Турчинка која престојувала во хотел во Скопје
Вчера во 23.00 часот во Полициската станица Бит Пазар, Е.Б.(34) од Република Турција пријавила дека нејзината мајка А.П.О.(73) од Република Турција се оддалечила од хотел во Скопје каде престојувала.
Се преземаат мерки за пронаоѓање на лицето.
Црна хроника
Скопјанец натепал скопјанка во Карпош, а потоа агресивно се однесувал и со полицајците
Вчера во 11.20 часот на подрачјето на Карпош, полициски службеници од СВР Скопје го привеле К.Л.(41) од Скопје, затоа што физички ја нападнал О.Л.(39) од Скопје, а потоа агресивно се однесувал кон полициски службеници кои извршувале службени дејствија.
По целосно документирање на случајот ќе следува соодветен поднесок.
Црна хроника
Оштетил паркирано возило, врата и инвентар во кафеана, такси-возило: кривична против маж од Делчево
Надворешната канцеларија за криминалистички работи Делчево поднесе кривична пријава против В. А. (36) од Делчево.
Тој се сомничи за сторено кривично дело насилство.
На 8.5.2024 пријавениот оштетил влезна врата и друг инвентар во угостителски објект, се обидел да оштети стакло од возачка врата на такси-возило, во обложувачница оштетил врата од наплатниот пулт, по што оштетил возило паркирано пред Територијалната противпожарна единица и физички нападнал двајца вработени.