Црна хроника
Обид за убиство во Гостивар

Поради нерасчистени имотни односи, еден човек можеше да биде убиен во Гостивар.
Во петокот околу 14 часот, во Гостивар на ул. „Браќа Гиноски“ поточно во пицерија „Пикасо“, дошло до предизвикување општа опасност од лицето Б. Н.
Додека тој бил со лицата З.Ф. (50) и М.Ф. (84) двајцата од с.Балиндол, со цел да се договорат за нерасчистени имотно правни односи, во еден момент настанала расправија, по која Б. Н. со тупаница го удрил З.Ф. во пределот на лицето.
Откако тој паднал на подот и се сокрил зад М.Ф, Б.Н извадил пиштол и испукал еден куршум во правец на З.Ф., но не го погодил, а куршумот завршил во тревникот.
Во понатамошните намери Б. Н. бил спречен од присутните гости.
Увид на лице место извршила екипа од полицијата од Гостивар, при што е пронајдена една чаура, која ќе биде дадена за вештачење.
Полициската станица од Гостивар презема мерки за пронаоѓање на Б.Н. и расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена од Илинден пријавила дека такси возач ја вознемирувал и ја допирал по телото

Вчера во Полициското одделение Петровец, 37-годишна жена од населено место во општина Илинден пријавила дека на 15 септември, 30 минути по полноќ, такси возач наместо да ја однесе до нејзиниот дом, почнал да ја допира по телото.
Откако му се спротивставила, возачот престанал и ја однел до нејзиниот дом.
Жената го пријавила инцидентот и во такси-компанијата каде што возачот бил вработен, по што тој бил отпуштен од работа.
Од МВР велат дека се преземаат мерки за целосно расчистување на случајот.
Црна хроника
Сведок почина во граѓанскиот суд во Скопје

Вчера во полицијата било пријавено дека во Основниот граѓански суд Скопје починал З.Д., кој бил сведок на судење.
Лекар од Итната медицинска помош констатирал смрт, а по наредба на јавен обвинител, телото на починатиот е дадено на обдукција, соопшти МВР во дневниот полициски билтен.
Црна хроника
Пациент во Тетово нападнал лекар и полицаец во болница

Полицијата од Тетово вчера попладне го приведе М.М. (28) од селото Челопек, по пријава дека во Клиничката болница во Тетово агресивно се однесувал кон медицинскиот персонал и физички го нападнал Л.А. (31) од село Желино, лекар кој се обидувал да му укаже лекарска помош.
Според МВР, по пристигнувањето на полицијата, осомничениот продолжил со агресивното однесување и нападнал и еден од полициските службеници.
М.М. е задржан во полициска станица, а по целосно документирање на случајот против него ќе биде поднесена соодветна пријава.