Црна хроника
Шестмина Пакистанци повредени во сообраќајка на автопатот Велес-Скопје
![](https://makfax.com.mk/wp-content/uploads/2016/10/43e515f0-4e13-40ef-aee6-e7ec80e15260.jpeg)
Шестмина пакистански државјани се повредени во сообраќајна несреќа што во неделата околу 01:30 часот се случила на автопатот Велес-Скопје, на 500 метри по тунелот кај Катланово, информираат од полицијата.
До несреќата дошло кога патнички автомобил марка „Форд транзит“ со кумановски регистерски таблички управувано од засега непознат возач, излетал од патот и удрил во брег.
Повредените Пакистанци со две возила на итната медицинска помош се пренесени во Градска болница – Скопје и Ургентен центар – Скопје каде се задржани на лекување.
По овластување на Јавен обвинител, увид на лице место изврши увидна екипа од Секторот за внатрешни работи – Велес и во тек се мерки за пронаоѓање на возачот и утврдување на околностите во кои е настаната сообраќајната незгода. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се запали БМВ во Драчево
![](https://makfax.com.mk/wp-content/uploads/2022/06/zapaleno-vozilo.jpg)
Денеска во 00.55 часот во СВР Скопје било пријавено дека на подрачјето на Драчево, во двор од семејна куќа на К.К.(30) од Скопје, настанал пожар во неговото патничко возило БМВ со скопски регистарски ознаки.
Од Бригадата за противпожарна заштита пожарот бил изгаснат, а повредени лица нема. Се преземаат мерки за расчистување на случајот.
Црна хроника
Тројца малолетници тепале и со остар предмет повредиле 22-годишно момче
![](https://makfax.com.mk/wp-content/uploads/2022/08/noz.jpg)
Полициски службеници лишиле од слобода тројца малолетници поради физички напад, соопшти МВР.
-Денеска (07.09.2024) во 02.40 часот полициски службеници од полициската станица Центар лишиле од слобода тројца малолетници од Скопје, Крива Паланка и Струмица поради постоење основи на сомнение дека во Градскиот парк во Скопје физички го нападнале Б.С.(22) од Скопје и притоа со остар предмет му нанеле повреда, стои во соопштението.
По целосно документирање на случајот ќе следува соодветен поднесок, додаваат од МВР.
Црна хроника
Средношколец од Скопје се заканувал на вработени и кршел инвентар
![](https://makfax.com.mk/wp-content/uploads/2020/08/Screen-Shot-2020-08-04-at-9.50.30-AM.png)
Средношколец од Скопје, вчера попладне упатувал закани кон вработени во училиште, при што оштетил и дел од инвентарот, соопшти МВР.
-На 06.09.2024 во 20.20 часот во СВР Скопје, било пријавено дека околу 16.50 часот во средно училиште на подрачјето на општина Аеродром, ученик во службени простории агресивно се однесувал кон вработените во училиштето и им упатувал закани, по што оштетил и дел од инвентарот, стои во соопштението на МВР.
МВР соопшти дека е известен јавен обвинител за малолетници. Се преземаат мерки за расчистување на случајот.