Црна хроника
Во Белгија запленети осум тони кокаин
Осум тони кокаин во вредност од 500 милиони евра биле запленети во понеделникот во пристаништето Анверс, во северна Белгија, што е едно од најголемите количества дрога запленети кога и да е во Европа, објавија во петокот белгиските власти.
Кокаинот кој потекнувал од Еквадор, бил сокриен во сандаци со банани и наменет за холандскиот пазар. Полицијата во сандаците пронашла речиси седум илјади пакети кокаин малку потешки од еден килограм.
Тоа е рекордна заплена на дрога во Белгија, и втора по количеството во Европа досега.
Во акцијата е уапсен 46-годишен белгиски возач кој го возел камионот и четворица Холанѓани коишто ги истоварувале сандаците.
По заплената на дрогата, бананите се подарени на зоолошката градина во Ротердам.
Според извештајот на Обединетите нации, Европа е вториот светски пазар на кокаин. Главната влезна земја е Шпанија, бидејќи производство на кокаин главно се одвива во земјите во Латинска Америка./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.