Црна хроника
Сакал да развиори албанско знаме на Самуиловата тврдина во Охрид
![](https://makfax.com.mk/wp-content/uploads/2016/10/f524e868-4894-4dac-ac75-64d29c51a536.jpeg)
Во саботата во раните попладневни часови непознато лице се обидело го поставил на метален столб албанското државно знаме на Самуиловата тврдина во Охрид.
Засега неидентификуваното лице, коешто според описот на вработен на овој историско туристички локалитет, бил на околу 20-годишна возраст, кусо потстрижено, облечено во врна јакна и темни фармерки чии ногавици биле ставени во високи црни чизми, било забележано како на метален столб го поставува албанското знаме.
Откако случајот бил пријавен во полиција, лицето го оставило знамето и побегнало кон локалитетот Плаошник, по што знамето завршило во билетарницата на Самуиловата тврдина
Припадници на охридската полиција коишто во меѓувреме пристигнале на местото на инцидентот, го презеле знамето и во моментот се работи на пронаоѓање на непознатиот и НН лицето и за целосно расчистување на случајот, информираат од СВР Охрид./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се запали БМВ во Драчево
![](https://makfax.com.mk/wp-content/uploads/2022/06/zapaleno-vozilo.jpg)
Денеска во 00.55 часот во СВР Скопје било пријавено дека на подрачјето на Драчево, во двор од семејна куќа на К.К.(30) од Скопје, настанал пожар во неговото патничко возило БМВ со скопски регистарски ознаки.
Од Бригадата за противпожарна заштита пожарот бил изгаснат, а повредени лица нема. Се преземаат мерки за расчистување на случајот.
Црна хроника
Тројца малолетници тепале и со остар предмет повредиле 22-годишно момче
![](https://makfax.com.mk/wp-content/uploads/2022/08/noz.jpg)
Полициски службеници лишиле од слобода тројца малолетници поради физички напад, соопшти МВР.
-Денеска (07.09.2024) во 02.40 часот полициски службеници од полициската станица Центар лишиле од слобода тројца малолетници од Скопје, Крива Паланка и Струмица поради постоење основи на сомнение дека во Градскиот парк во Скопје физички го нападнале Б.С.(22) од Скопје и притоа со остар предмет му нанеле повреда, стои во соопштението.
По целосно документирање на случајот ќе следува соодветен поднесок, додаваат од МВР.
Црна хроника
Средношколец од Скопје се заканувал на вработени и кршел инвентар
![](https://makfax.com.mk/wp-content/uploads/2020/08/Screen-Shot-2020-08-04-at-9.50.30-AM.png)
Средношколец од Скопје, вчера попладне упатувал закани кон вработени во училиште, при што оштетил и дел од инвентарот, соопшти МВР.
-На 06.09.2024 во 20.20 часот во СВР Скопје, било пријавено дека околу 16.50 часот во средно училиште на подрачјето на општина Аеродром, ученик во службени простории агресивно се однесувал кон вработените во училиштето и им упатувал закани, по што оштетил и дел од инвентарот, стои во соопштението на МВР.
МВР соопшти дека е известен јавен обвинител за малолетници. Се преземаат мерки за расчистување на случајот.