Црна хроника
Грчки државјани шверцувале зајачко крзно
![](https://makfax.com.mk/wp-content/uploads/2016/10/0a8d81cf-b80c-40b2-8688-b2c8d218e8e7.jpeg)
МакедонијаСкопје 17.10.2012 (Макфакс) – Царинските службеници од граничниот премин Меџитлија со Грција спречија обид за криумчарење на зајачко крзно, вредно околу 100 илјади денари.
Во вторникот во раните утрински часови, на граничниот премин се пријавило празно товарно возило-комби, со грчки регистарски ознаки, управувано од грчки државјанин, во присуство на уште еден патник, исто така грчки државјанин. Патниците, изјавувајќи дека немаат ништо за пријавување за царинска контрола, приложиле и потврда за празно возило.
Царинските службеници извршиле детална контрола на возилото, при што во фабричка празнина, под подот на товарниот дел на возилото, биле пронајдени 24 парчиња крзно од питом зајак со димензии 120×60 сантиметри, завиткани во црни најлонски вреќи, делумно облепени со самолеплива лента.
Секое парче крзно било изработено од по девет зајачки кожи, што значи дека за изработка на пронајдената стока биле употребени вкупно 216 посебни парчиња зајачка кожа.
Стоката, со вкупна вредност од 103.565 денари, е со потекло од Грција, а била наменета за фирма со седиште во Битола.
Против прекршителот веднаш е поднесено барање за поведување прекршочна постапка, при што Комисијата за одлучување по царински прекршоци, во итна постапка, донесе решение за одземање на стоката, а на прекршителот му изрече глоба. /крај/ач/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се запали БМВ во Драчево
![](https://makfax.com.mk/wp-content/uploads/2022/06/zapaleno-vozilo.jpg)
Денеска во 00.55 часот во СВР Скопје било пријавено дека на подрачјето на Драчево, во двор од семејна куќа на К.К.(30) од Скопје, настанал пожар во неговото патничко возило БМВ со скопски регистарски ознаки.
Од Бригадата за противпожарна заштита пожарот бил изгаснат, а повредени лица нема. Се преземаат мерки за расчистување на случајот.
Црна хроника
Тројца малолетници тепале и со остар предмет повредиле 22-годишно момче
![](https://makfax.com.mk/wp-content/uploads/2022/08/noz.jpg)
Полициски службеници лишиле од слобода тројца малолетници поради физички напад, соопшти МВР.
-Денеска (07.09.2024) во 02.40 часот полициски службеници од полициската станица Центар лишиле од слобода тројца малолетници од Скопје, Крива Паланка и Струмица поради постоење основи на сомнение дека во Градскиот парк во Скопје физички го нападнале Б.С.(22) од Скопје и притоа со остар предмет му нанеле повреда, стои во соопштението.
По целосно документирање на случајот ќе следува соодветен поднесок, додаваат од МВР.
Црна хроника
Средношколец од Скопје се заканувал на вработени и кршел инвентар
![](https://makfax.com.mk/wp-content/uploads/2020/08/Screen-Shot-2020-08-04-at-9.50.30-AM.png)
Средношколец од Скопје, вчера попладне упатувал закани кон вработени во училиште, при што оштетил и дел од инвентарот, соопшти МВР.
-На 06.09.2024 во 20.20 часот во СВР Скопје, било пријавено дека околу 16.50 часот во средно училиште на подрачјето на општина Аеродром, ученик во службени простории агресивно се однесувал кон вработените во училиштето и им упатувал закани, по што оштетил и дел од инвентарот, стои во соопштението на МВР.
МВР соопшти дека е известен јавен обвинител за малолетници. Се преземаат мерки за расчистување на случајот.