Црна хроника
Повреден ученик кај гимназијата „Јосип Броз Тито“

Ученик од гимназијата „Јосип Броз Тито“ попладнево е повреден со остар предмет во пределот на ногата, потврдуваат во СВР Скопје.
Пред скопската гимназија во центарот на градот забележително е присуство на полиција и Брза помош.
Според информациите на полицијата, инцидентот бил пријавен попладнево во 17.05 часот. Неколкумина непознати лица го нападнале 14-годишниот ученик, кој најверојатно бил прва година, пред влезот на зграда до гимназијата.
Момчето било прободено со остар предмет во ногата. Соучениците кои биле со него го одвеле ученикот во спортската сала на гимназијата и повикале Брза помош и полиција.
Повредениот ученик бил пренесен во градската болница „Свети Наум Охридски“. Освен оваа пријава, засега не се знае што точно се случило попладнево во близина на гимназијата./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Крадци го разбиле катанецот и украле сандаци со пчели и мед во Штип

Вчера во СВР Штип, Г.Г. (47) пријавил дека во периодот од 12 до 16 август, со употреба на сила, бил отстранет катанец од метална врата на ограден простор под магистралниот пат Штип-Радовиш.
Според пријавата, одземени се сандаци од пчелни семејства, мед и други предмети.
Се преземаат мерки за расчистување на случајот.
Црна хроника
Бабата алармира: мајка физички го малтретирала тримесечното бебе во Струмица

Вчера во СВР Струмица, 40-годишна жена пријавила дека нејзиното тримесечно внуче било физички малтретирано од мајка му, сопруга на нејзиниот син.
Се преземаат мерки за расчистување на случајот, велат од МВР.
Топ
Две лица тешко повредени во групна тепачка во Скопје, полицијата апсеше од тинејџери до 50-годишни

Вчера на улицата Славеј планина во Скопје дошло до групна тепачка помеѓу неколку лица на возраст од 18 до 56 години.
По пријава во Полициската станица Бит Пазар, биле приведени С.Д. (50), С.С. (56), А.А. (19), С.Џ. (18), Џ.Р. (21), А.Д. (25), С.Д. (18) и Д.Д. (31), сите од Скопје.
Во тепачката биле користени разни тврди и остри предмети, а со тешки телесни повреди се здобиле С.Д. (33) и А.Д. (27). Уште неколку лица се здобиле со полесни повреди.
Според МВР, се преземаат мерки за расчистување на случајот.