Црна хроника
Запленето досега најголемо количество марихуана вредна околу три милиона евра
Македонската полиција во понеделникот заплени повеќе од половина тон марихуана на граничниот премин Ќафасан, вредна околу три милиона евра.
Висококвалитетната марихуана запленета во полициската акција „Заседа“ била најдена во камион натоварен со 25.200 килограми цемент од цементарница од албанскиот град Елбасан.
Дрогата била скриена во специјално изработен бункер во предниот дел, каде биле најдени 511 пакувања облепени со широка проѕирна селотејп лента. Вкупната тежина изнесува 540 килограми.
Според првичните претпоставки, педесетгодишниот возач на камионот, Драган Стојановски дрогата ја набавил од засега непознати лица од Албанија и требало да ја транспортира во западноевропските земји.
Возачот во полициска станица не кажал детали за случајот и не открил кој и каде помогнал да биде натоварен камионот.
Единствено рекол дека камионот го оставил на лица кои не ги познавал, а откако го натовариле само го презел камионот.
Против возачот ќе биде поднесена кривична пријава за „неовластено производство и пуштање во промет на наркотични дроги, психотропни супстанци и прекурсори” .
Осомничениот возач досега не учествувал во вакви кривични дела, во полиција бил пријавуван за имотни деликти.
Вештачењето покажало дека станува збор за 513 килограми висококвалитетна марихуана, на нарко пазарот позната како „Сканк“.
„Од она што го покажаа првичните проверки на квалитетот се работи за високо квалитетна дрога којашто на пазарот достигнува највисока цена за ваков тип на наркотични средства. Тоа е само делот од растението кое има највисока токсична вредност“, изјави министерката за внатрешни работи, Гордана Јанкулоска.
Ова е најголемата заплена на марихуана досега во Македонија. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Исчезна Турчинка која престојувала во хотел во Скопје
Вчера во 23.00 часот во Полициската станица Бит Пазар, Е.Б.(34) од Република Турција пријавила дека нејзината мајка А.П.О.(73) од Република Турција се оддалечила од хотел во Скопје каде престојувала.
Се преземаат мерки за пронаоѓање на лицето.
Црна хроника
Скопјанец натепал скопјанка во Карпош, а потоа агресивно се однесувал и со полицајците
Вчера во 11.20 часот на подрачјето на Карпош, полициски службеници од СВР Скопје го привеле К.Л.(41) од Скопје, затоа што физички ја нападнал О.Л.(39) од Скопје, а потоа агресивно се однесувал кон полициски службеници кои извршувале службени дејствија.
По целосно документирање на случајот ќе следува соодветен поднесок.
Црна хроника
Оштетил паркирано возило, врата и инвентар во кафеана, такси-возило: кривична против маж од Делчево
Надворешната канцеларија за криминалистички работи Делчево поднесе кривична пријава против В. А. (36) од Делчево.
Тој се сомничи за сторено кривично дело насилство.
На 8.5.2024 пријавениот оштетил влезна врата и друг инвентар во угостителски објект, се обидел да оштети стакло од возачка врата на такси-возило, во обложувачница оштетил врата од наплатниот пулт, по што оштетил возило паркирано пред Територијалната противпожарна единица и физички нападнал двајца вработени.