Кривична пријава против 53-годишен штипјанец поднесе во саботата скопската полиција, поради основано сомневање дека вршел кражби од патнички автомобили во центарот на Скопје.

Полицијата го уапсила осомничениот поради сознанија дека извршил две кражби, но во разговор со него тој признал дека во изминатите 45 дена на подрачјето на Центар, во близина на хотел „Холидеј Ин„ и паркинг плацовите пред аптека ЗЕГИН извршил уште 10  кражби.Крадецот одземал пари и разни предмети кои потоа ги продавал на непознати луѓе, а дел од парите ги менувал во девизи.Станува збор за лицето Љ.Ј. (53) од Штип, кој во евиденцијата на штипската полиција минува за повеќе сторени кривични дела  и тоа „тешка кражба“, “кражба“ ,“одземање на МВ“  и “измами“. При извршениот личен преглед кај Љ.Ј. пронајдени биле  три банкноти од  50 евра, две банкноти од 100 долари, две банкноти од 1.000 денари и други ситни пари денари и девизи, како и  поголем број на разни клучеви од возила, пар наочари, полначи за мобилни телефони, три мобилни телефони, картички од мобилни телефони и паричник, кои потекнуваат од извршени кривични дела – “тешки кражби“. Пријавениот кажал дека во Скопје престојувал на непознати места, односно немал средства за егзистенција, немал постајано место на живеење и бил принуден да врши кривични дела со цел да се прехрани. /крај/со/ап/