Црна хроника
Сопстеник на кафеана во Кичево бил дилер на хероин
Кичевската полиција поднесе кривична пријава против Ф.Е.(47) од Кичево, поради постоење на основано сомнение дека сторил кривично дело „неовластено производство и пуштање во промет на наркотични дроги, психотропни супстанци и прекурсори“.
Пријавениот, пред извесно време заради натамошна продажба неовластено набавил наркотична дрога „хероин„ во вкупна количина од 2 килограми и 275 грама. На 19-ти ноември годинава, целокупната количина ја пронајдоа оперативците од кичевската полиција кои по добиени оперативни сознанија и обезбедена судска наредба, извршија претрес во угостителскиот објект „Антика“ сопственост на пријавениот, лоциран на улицата „Гоце Делчев“ во Кичево.Oпојната дрога била спакувана во пет пакувања односно две најлонски кеси и три пакувања облепени со кафеави самолепливи ленти врз која е извршено вештачење.Пријавениот, во чиј угостителски објект е пронајден хероинот, е лице добро познат на службата против кого и досега се поднесувани кривични пријави по неколку основи за што бил и правосилно осудуван на затворски казни. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.