Црна хроника
Арамиите со богат плен
Арамија во вторникот меѓу 18,30 до 19,30 часот упаднал во куќата на 74 годишниот К.Е. од тетовското село Чајле, и од два дрвени сандука украл поголема количина златен накит, 2.800 франци и 2.500 евра, причинувајќи штета од 90.000 евра.
Истиот ден, во времето од 08,30 до 17,30 часот во Неготино на ул. „Марксова“, непознат сторител со употреба на погоден предмет влегол во куќата на Т.П.(45) и извршил тешка кражба, одземајќи 10.000 евра, 107.000 денари, златен накит, два рачни часовници и лапт-оп компјутер, причинувајќи вкупна материјална штета од околу 800.000 денари.
Во вторникот во ноќните часови во Скопје на ул. „Миле Поп Јорданов“, непознат сторител со употреба на погоден предмет извршил тешка кражба во ОУ „Владо Тасевски“ од каде одзел 26 мали лап-топ компјутери.
Ноќта меѓу понеделник и вторник биле украдени 1.500 денари од црквата „Св. Димитрија во Охрид. Крадецот со погоден алат или предмет ја скршил и направил отвор на влезната врата низ кој влегол внатре, ги одзел парите кои биле во разни апоени и го напуштил лице местото.
За сите случаи полицијата трага по сторителите. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсена 24-годишна девојка во Тетовско: возела пијана и предизвикала сообраќајна незгода
Вчера во 10:30 часот, полициски службеници од Полициската станица за безбедност на патниот сообраќај Тетово ја лишија од слобода 24-годишната Џ.А. од селото Ново Село, општина Боговиње.
Претходно, таа со нејзиното патничко возило „фолксваген туран“ со тетовски регистарски таблички, кое го управувала, удрила во паркирано возило „фолксваген голф“ со тетовски регистарски таблици, паркирано од В.У.(23) од Тетово. При преземање мерки констатирано е дека е под дејство на алкохол, односно дека има 1,55 промили алкохол во крвта.
По целосно документирање на настанот, против неa ќе биде поднесена пријава по член 297-а од Кривичниот законик – „безобѕирно управување со моторно возило“.
Топ
(Видео) Турканици и викање: уапсени три лица во Трново, не им дозволиле на полицајци да влезат на имотот
Полицијата уапси три лица од кривопаланечко кои попречувале полициски службеници и вработени во Агенцијата за храна и ветеринарство при извршување службени дејствија.
Вчера околу 16:00 часот во село Трново, кривопаланечко, кај место викано „Самоков“, полициски службеници од Полициската станица Крива Паланка ги лишија од слобода Г.Ѓ.(57), А.Ѓ.(30) и А.Ѓ.(22), сите од с.Жидилово, кривопаланечко.
Имено, тројцата агресивно се однесувале и попречувале полициски службеници при вршење службени дејствија кои давале асистенција на вработени во Агенцијата за храна и ветеринарство.
Исто така, тие ги попречувале вработените во АХВ кои биле ангажирани за собирање на крупен добиток, а упатувале и закани кон неколку соселани. За настанот е известен јавен обвинител и по негово целосно документирање против лицата ќе биде поднесена соодветна пријава.
Црна хроника
За 1.300 евра му ветил дека ќе му помогне да земе социјална помош
Вчера во СВР Скопје, 64-годишен маж пријавил дека е измамен за сума од 1.300 евра од Ф.А. од Скопје.
Според пријавеното, во февруари 2022 година Ф.А. му ветил дека ќе му помогне да земе социјална помош, но дека за тоа ќе треба да му даде одреден паричен надомест, на што се согласил и му дал 300 евра.
По неколку месеци му пристигнало решение дека барањето му е одбиено. По една година, Ф.А. повторно му побарал пари на пријавителот за да му помогне да земе социјална помош овој пат за неговата сопруга, но за тоа ќе треба да му плати уште 1.000 евра, по што парите ги дал на женско лице.
Како што е пријавено, оттогаш не можел да стапи во контакт со Ф.А., по што сфатил дека е измамен. Се преземаат мерки за расчистување на случајот.

