Црна хроника
Бошкоски: Совеста ми е чиста, режимот во заминување сака да ме уништи
„Совеста ми е чиста, популистичкиот режим во заминување во овој монтиран политички процес сака да ме уништи“, рече поранешниот министер за внатрешни работи и лидер на Обединети за Македонија, Љубе Бошкоски, во својот исказ пред судот во случајот `Ровер`.
Во својата двочасовна одбрана, Бошкоски рече дека власта преку своите медиуми сака да го прикаже како предавник и криминалец и преку судовите, коишто, според него, се под строга контрола на премиерот Никола Груевски, па по судскиот процес `Кампања` сака да му го „намести“ и ова дело.
„Не гледам како успеа по 11 години да се најде еден криминалец, заштитен сведок, кој божем слушнал од покојниот Орце Коруновски дека ќе му се помогне во извршување на убиството и да ја напушти државата“, рече Бошкоски, a од неговото кажување можеше да се заклучи дека загрозениот сведок му бил личен шофер на Коруновски.
Со ова, според Бошкоски, се внесува еден правен преседан во судската практика и ќе може „без око да ни трепне да ја обвиниме госпоѓата Г.Ј. да одговара за прикривање за убиството на Мартин Нешковски.“
Тој побара на неговите бранители да им се овозможи да го видат ликот на загрозениот сведок, бидејќи за минатиот судски случај `Кампања`, Бошкоски тврди дека таков свдок на судењето не постоел.
„Не се согласувам со она што ми се става на товар. Мојата совест, пред моите три деца и сопруга и мајка, ми е чиста како солза. Ниту, пак, во мојата потсвест не би можел да поддржам да убивам, ниту, пакм да наредувам да убиваат“, рече Бошкоски, јави репортерот на `Макфакс` од судот во Скопје.
Освен за ова дело, Бошкоски се осврна и на судскиот процес `Кампања`, како и на неговата одбрана пред Хашкиот трибунал.
За овој случај обвинети се 15 лица, но првите четворица, кои се наведени како извршители и еден од нив организатор, Предраг Чубрило, Милан Илиќ, Милорад Ковачевиќ и Вук Вукичевиќ се во бегство и се недостапни за органите на прогонот.
Бошкоски се товари дека како министер за внатрешни работи во тоа време му дозволил на сега веќе починатиот Орце Коруновски да нарача убиство за Тушевски.
Марјан Тушевски и Кире Јанев беа убиени на 10-ти јули 2001 година. кога излегувале од кафулето „ЗУ“ во скопската населба Капиштец. Прво со 11 куршуми беше убиен Тушевски, а потоа напаѓачите пукале и кон Киро Јанев кој се обидувал да избега. За овој случај одговараат 15 лица, а четворица од нив се во бегство./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.