Црна хроника
Бошкоски: Тушевски и Коруновски сум ги видел неколку пати, сум немал блиски односи со нив
Поранешниот министер за внатрешни работи и лидер на Обединети за Македонија, Љубе Бошкоски го запознал сега веќе убиениот Марјан Тушевски за време на предизборната кампања во 1999 година, кога тој му бил обезбедување на загинатиот претседател, Борис Трајковски.
Тој одговарајќи на прашања на судот, тврдеше дека не бил близок ниту со Тушевски, ниту со Орце Коруновски, кој според обвинението го нарачал убиството на Тушевски, а во тоа му помогнал и тогашниот министер за внатрешни работи, Бошкоски.
И тогаш, како и сега, како што рече Бошкоски, обезбедувачите биле партиски кадри кои имале досиеја кои не биле за почит и во јавноста биле познати како рекетари или горили. Тушевски конкретно бил ангажиран како обезбедувач од страна на поранешната министерка за внатрешни работи, Доста Димовска и Борис Трајковски.
Ниту Орце Коруновски, Ниту Тушевски немале побарано ништо конкретно од Бошкоски, никогаш лично не му се заканувале, но му праќале закани преку други лица.
Но, со оглед дека Бошкоски бил на висока позиција, вакви закани до него доаѓале и од други лица, па никогаш не ги сфатил сериозно.
Орце Коруновски го запознал преку претседателот на Светскиот македонски конгрес, Тодор Петров, на кого Коруновски му бил лично обезбедување. Петров пак му бил кум на братот на сопругата на Љубе, Љупчо Костадинов- Сокол.
Сокол кој исто така бил активист на ВМРО-ДПМНЕ со помош на Доста Димовска отворил бар во хотел Панорама на Водно. Љубе тогаш бил против отворањето на овој бар, бидејќи ова се граничело со легален бизнис, па пратил инспекции за да биде затворен барот. По бизнисот на Сокол односите меѓу него и Коруновски биле нарушени, Коруновски му барал рекет на Сокол, му правел тепачки во барот.
Кога Бошкоски станал министер за внатрешни работи, бил скоро вратен од Хрватска во Македонија и како што рече бил како паднат од небо. За непријателските односи меѓу Тушевски и Коруновски, му раскажал тогашниот директор за јавна безбедност Пане Велев. Но, по извесно време, Велев му кажал дека тој преку службите ги смирил двете спротивставени групи.
Зоран Трајковски бил главен за организирање на неговото обезбедување, но Бошкоски тврдеше дека никогаш додека бил министер не му дал усна наредба на Трајковски.
Во својот исказ пред судот Бошкоски рече дека нему совеста му е чиста и додаде дека власта сака да го уништи. Негираше дека убил некого или помогнал да се убие некого.
Марјан Тушевски и Киро Јанев беа убиени во 2001 година, а Бошкоски се товари дека помогнал во нивното убиство и прикривањето на сторителите.
Според обвинението, убиството го нарачал токму Орце Коруновски кој, како што пишува во обвинението имал блиски односи со Бошкоски. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична пријава за директорка на училиште во Делчево, без да спроведе транспарентна постапка извршила набавка
Надворешна канцеларија за криминалистички работи Делчево поднесе кривична пријава против Д.Ц. (52) од Делчево, директорка на средно училиште, поради постоење сомневање за сторено кривично дело „несовесно работење во службата“.
Таа, без да спроведе транспарентна постапка за набавка на стоки и услуги, извршила набавка од повеќе правни лица во вкупна вредност од 905.482 денари, а со Законот за јавни набавки е предвидено дека износот на извршени набавки без спроведена јавна набавка во текот на годината не смее да го надмине износот од 12.000 евра во денарска противвредност.
Црна хроника
Жена нападната од својот сопруг во семејниот дом
Вчера во 18:35 часот во СВР Скопје, 30-годишна жена пријавила дека во семејниот дом на подрачјето на Бит Пазар била физички нападната од нејзиниот сопруг О.Ѓ.(38) од Скопје.
Се преземаат мерки за расчистување на случајот.
Црна хроника
Обид за убиство во гостиварско
СВР Тетово поднесе кривична пријава против К.З.(63) од с.Церово, гостиварско, поради постоење основи на сомнение за сторени кривични дела „убиство во обид“, „предизвикување на општа опасност“ и „неовластено изработување, држење, посредување и тргување со оружје или распрскувачки материи“ и против Х.А.(38) од с.Церово, поради постоење основи на сомнение за сторено кривично дело „насилство“.
На 04.05.2024, по претходна расправија помеѓу пријавените, првопријавениот испукал три куршуми од автоматска пушка, по што бил физички нападнат од второпријавениот.