Црна хроника
Уапсени 40 девојки од женската банда „Палави барбики“
Њујоршката полиција уапси 40 девојки од женската банда „Палави барбики“, огранок на поголема група под името „Тринитариос“, која оперирала низ Бронкс, заради повеќекратни убиства и други злосторства.
Во тек е истрага поврзана со девет убиства и 24 обиди за убиства воглавно на членови на конкурентските банди во Бронкс и блискиот Јонкерс.
Рејмонд Кели, комесар на њујоршката полиција вели дека групата Тринитариос во својот зенит имала 100 членки.
Водачот на бандата, Марија Мехија, е осомничена за убиство со нож на членот на познатата банда Крипс во „МекДоналдс“ во 2005 година. Оваа 24 годишна девојка исто е обвинета дека пукала на жртва на грабеж пред мексикански ресторан истата година.
Истрагата поврзана за бандата Тринитариос доведе до апсење на 119 луѓе во Бронкс и на Менхетен од 2009 година до денес. /крај/бл/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.