Црна хроника
Пресечен меѓународен шверцерски канал – запленета марихуана на ГП „Табановце“

Царинските службеници од граничниот премин Табановце запленија околу 25 кг високо квалитетна марихуана.
Во среда околу 12:00 часот, за излез од Република Македонија на граничниот премин Табановце се пријавило патничко моторно возило марка „ланчиа“ со албански регистарски ознаки, управувано од албански државјанин со иницијали В.К. Возачот изјавил дека патува за Италија. Бидејќи цариниците се посомневале во неговото однесување, извршиле детален преглед на возилото.
При прегледот, во внатрешните делови на маската во шал таблата, потоа под тапацирот од левото и десното задно крило од возилото и во предниот браник, пронајдени се 50 паковки во квадратна форма со димензии од 18x12x5cm исполнети со пресуван растителен материјал-марихуана ставен во жолта полиетиленска ќеса, облепена со широка, проѕирна, леплива лента, најгоре обвиткани со алуминиумска фолија и проѕирна полиетиленска фолија.
Нето тежината на секоја паковка изнесува од 485-495 грама марихуана или вкупно 24,404 грама опојна дрога која потекнува од растението Cannabis.
Сторителот и марихуаната беа предадени на инспектори од Одделението за истраги заради превземање на понатамошни предистражни дејствија.
Од спроведената предистражна постапка, собрани се материјални и вербални докази кои укажуваат дека осомниченото лице марихуаната ја набавил во селото Лазарат во Албанија, познато по масовното производство и продажба на високо квалитетна марихуана. Начинот на пакување и квалитетот на марихуаната укажуваат дека истата била подготвена за транспорт од страна на организирана група која подолго време се занимава со транспорт и продажба на квалитетна марихуана. Марихуаната била наменета за нарко пазарот во Италија.
Осомничениот бил само пренесувач на марихуаната, односно истиот за паричен надомест требало да ја пренесе од Албанија преку Македонија, за Италија. Откако организираната група набавила патничко моторно возило, претходно спакуваната марихуана ја сокрила во специјално направени бункери во возилото наменети за пренесување на шверцувана стока.
Два дена пред започнување на транспортот, организираната група ги спровела сите формалности кои се однесувале на пренос на сопственоста на возилото на име на осомничениот.
На критичниот ден осомничениот со претходно подготвениот автомобил, во 02:00 часот тргнал од Тирана и околу 07:45 часот преку граничниот премин Ќафасан, влегол во Македонија.
Организираната група за транспорт на марихуаната често пати користи лица кои за мала парична надомест, а поттикнати од нивната лоша економска и финансиска состојба, се „жртви“ при транспорт на опојни дроги.
Марихуаната со ваков квалитет во големопродажба на нарко пазарите во Европа би достигнала цена во износ од околу 30.000 евра, а доколку би се продава во малопродажба, цената на истата би достигнала и до 100.000 евра.
Со пресекување на овој меѓународен канал на шверц на наркотична дрога запленета е количина од која би се добиле околу 8.000 дневни дози.
Против сторителот, Царинската управа ќе поднесе кривична пријава за сторено кривично дело „Неовластено производство и пуштање во промет на наркотични дроги, психотропни супстанции и прекурсори“ до надлежното Јавно обвинителство, а сторителот ќе биде изведен пред надлежен истражен судија. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Два месецa посредувал при проституција на 23-годишна државјанка на Косово, сместена во неговиот мотел, притвор за тетовец

Основното јавно обвинителство Тетово поведе постапка против 48-годишник осомничен за кривично дело – Посредување при вршење проституција од член 191 став 2 од Кривичниот законик.
„Осомничениот делото го вршел во неколку наврати во последните два месеци, обезбедувајќи клиенти за 23-годишна косовска државјанка сместена во неговиот мотел. Таа сексуалните услуги ги наплаќала, а поголемиот дел од заработката му го давала на осомничениот“, соопшти Обвинителството.
По предлог на јавниот обвинител на осомничениот му е определена мерка притвор, додека жртвата е сместена во транзитен центар за странци до завршување на постапката.
Црна хроника
28-годишник возел со 2,04 промили алкохол во крвта, полицијата уапси пијани возачи во Македонска Каменица, Кочани и Виница

Изминатата ноќ полицијата апсеше пијани возачи во Кочани, Македонска Каменица и Виница. Сите се исклучени од сообраќај и задржани во полициска станица.
„Синоќа во 03.20 часот на улицата Александар Македонски во Македонска Каменица, полициски службеници го лишија од слобода Р.А.(28) од Македонска Каменица. При контрола во патниот сообраќај, полициските службеници запреле патничко возило ’ауди’, управувано од Р.А. и било утврдено дека е под дејство на алкохол, односно дека има 2.04 промили алкохол во крвта. Исто така во Македонска Каменица, на 24.07.2025 во 23.02 часот на улицата .Гоце Делчев полициски службеници го лишија од слобода Т.Г. (49) од село Жиганци, општина Чешиново-Облешево, затоа што управувал патничко возило ’шкода’ под дејство на алкохол, односно имал 1,55 промили алкохол во крвта.
Денеска (26.07.2025) во 00.20 часот на улицата ’Искра’ во Кочани, полициски службеници го лишија од слобода Ф.К.(21) од Кочани, кој управувал патничко возило ’сузуки’ со 1,56 промили алкохол во крвта, утврдени при контрола во патниот сообраќај.
Исто така денеска, во 02.10 часот во Виница, полициски службеници го лишија од слобода Т.Л.(33) од Кочани. При контрола во патниот сообраќај, било констатирано дека Т.Л. управувал патничко возило ’голф’ со 1,57 промили алкохол во крвта“, соопшти МВР,
По целосно документирање на случаите, против пијаните возачи ќе бидат поднесени кривични пријави по член 297-а од Кривичниот законик „безобѕирно управување со моторно возило“.
Црна хроника
Лишени од слобода 12 лица во Гевгелиско, полицијата најде дрогa

Полициски службеници од СВР Струмица-ОВР Гевгелија синоќа во периодот од 22.00 до 03.00 часот на локален пат од село Миравци кон место викано „Бел Рај“, Гевгелиско ги лишиле од слобода Б.Ј.(25), С.Н., М.К.(31), Н.М.(20), А.И.(24), Ф.П.(22) и Д.Б.(34) сите од Скопје, Г.А.(21) и Т.Ј.(38) и двајцата од Кавадарци, К.П.(21) од Неготино, П.З.(38) од Радовиш и Е.Ј.(22) од Берово.
Како што соопшти МВР, во осум поединечни случаи при преглед на лицата или во возилата во кои се превезувале биле пронајдени марихуана и четири таблети виолетова боја.
За сите настани бил запознаен јавен обвинител од Основното јавно обвинителство Гевгелија, а по документирање на случаите против лицата ќе бидат поднесени соодветни поднесоци.