Црна хроника
Кратко по стартот, се одложи судењето за Монструм
Главниот претрес за случајот Монструм се одложи за почетокот на јануари, откако судот го прифати барањето на адвокатите на обвинетите за петкратното убиство кај Смилковското езеро да направат увид во списите на предметот.
Обвинителката Гордана Гешковска рече дека адвокатите и обвинетите досега имале можност да направат увид во доказниот материјал, но од нивна страна немало никаква иницијатива и барањето на адвокатите го оцени како одолговлекување на постапката.
Адвокатот на обвинетите, Насер Рауфи изјави дека не е точно дека одбраната не дала никава иницијатива обвинетите да ги разгледаат списите на предметот и рече дека за време на истражната постапка му било огранично правото за увид во доказите, дека истражната постапка се водела без него.
Сепак, судијата Ивица Стефановски, го прифати предлогот на адвокатите на обвинетите и судењето го одложи за на 9-ти јануари догодина.
Рауфи тврди дека обвинителството нема докази за случајот.
„Оваа одлука на судот е резултат на нашиот предлог, на предлог на одбраната бидејќи сметаме дека увид во доказите е неопходен во случајот бидејќи во истражната постапка не ни беше овозможен. Не само што увидот не беше овозможен јас не бев запознаен кој докази се изведуваат и воопшто не присуствував на доказната постапка. Потребно е обвинетите да направат увид на доказите. Јас и понатаму тврдам дека нема докази“ рече Рауфи.
Тој е бранител и на обвинетите Алил Демири и Африм Исмаиловиќ кои се во бегство, но не сакаше да коментира дали досега стапил во контакт со нив.
Законскиот застапник на семејствата на убиените, Дафинка Иванова, побара јавноста да има разбирање за неизмерната болка на семејствата на жртвите.
Се очекува на следниот претрес исказ да даде обвинетиот Агим Исмаиловиќ.
Инаку, четворица од обвинетите, Агим Исмаиловиќ, Фејзи Азири, Рами Сејди и Хаки Азири во четвртокот претпладне со полициско обезбедување беа донесени во Кривичниот суд. Судењето се снима визуелно и тонски со две камери. Судот одлучи на двајцата обвинети Алил Демири и Африм Исмаиловиќ, кои се во бегство, да им се суди во отсуство.
Адвокат на тројца од обвинетите е Насер Рауфи, освен на обвинетиот Рами Сејди, кого ќе го брани адвокатот Митко Солаков.
Обвинителската Гордана Гешковска го прочита обвинителниот акт, според кој сите шестмина обвинети се товарат за тероризам, освен Хаки Азири, кој се товари за помагање. Според обвинението, обвинетите имале намера со загрозување на животот и телото да создадат чувство на несигурност и страв кај граѓаните, па на свиреп и подмолен начин лишиле од живот пет лица од македонска националност. Во обвинението, освен обвинетите, се споменуваат и други непознати лица кои биле заедно со обвинетите. Како извршители на убиството се товарат Африм и Агим Исмаиловиќ и Алил Демири.
Во убиството коешто се случи на 12-ти април без причина беа убиени матурантите Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски.
Алил Демири, според обвинението, испукал осум куршуми од пиштол кон четирите момчиња, додека Агим и Африм Исмаиловиќ со автоматски пушки кон момчињата испукале вкупно 13 проектили. Потоа, со уште пет проектили го убиле рибарот кој сакал да избега со своето возило./крај/фф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична пријава за директорка на училиште во Делчево, без да спроведе транспарентна постапка извршила набавка
Надворешна канцеларија за криминалистички работи Делчево поднесе кривична пријава против Д.Ц. (52) од Делчево, директорка на средно училиште, поради постоење сомневање за сторено кривично дело „несовесно работење во службата“.
Таа, без да спроведе транспарентна постапка за набавка на стоки и услуги, извршила набавка од повеќе правни лица во вкупна вредност од 905.482 денари, а со Законот за јавни набавки е предвидено дека износот на извршени набавки без спроведена јавна набавка во текот на годината не смее да го надмине износот од 12.000 евра во денарска противвредност.
Црна хроника
Жена нападната од својот сопруг во семејниот дом
Вчера во 18:35 часот во СВР Скопје, 30-годишна жена пријавила дека во семејниот дом на подрачјето на Бит Пазар била физички нападната од нејзиниот сопруг О.Ѓ.(38) од Скопје.
Се преземаат мерки за расчистување на случајот.
Црна хроника
Обид за убиство во гостиварско
СВР Тетово поднесе кривична пријава против К.З.(63) од с.Церово, гостиварско, поради постоење основи на сомнение за сторени кривични дела „убиство во обид“, „предизвикување на општа опасност“ и „неовластено изработување, држење, посредување и тргување со оружје или распрскувачки материи“ и против Х.А.(38) од с.Церово, поради постоење основи на сомнение за сторено кривично дело „насилство“.
На 04.05.2024, по претходна расправија помеѓу пријавените, првопријавениот испукал три куршуми од автоматска пушка, по што бил физички нападнат од второпријавениот.