Во полициската станица Аеродром од страна на Итната медицинска помош било пријавено дека на булеварот „АСНОМ“ во стан има починато лице Т.К.(41).

Извршен бил увид на местото на настанот од увидна екипа од СВР Скопје.

По наредба на Јавен обвинител телото на починатиот било предадено за обдукција, информираат од МВР.

Дваесет и четиригодишен маж пријавил дека неговата малолетна 15-годишна сестра вонбрачно живее со лицето Б.Ѓ.(23) од селото Камен Дол.

„По превземени мерки, малолетничката била донесена во Полициската станица Кавадарци и во присуство на родител бил извршен разговор. Б.Ѓ. бил лишен од слобода поради постоење основи на сомнение за сторено кривично дело вонбрачен живот со малолетно лице“, информираат од МВР.

Се работи на расчистување на случајот.

Екипа на Црвен крст не успеала да го спаси повредениот маж на Водно по којшто трганала, бидејќи нивното возило излетало од патот.

Како што информираат од МВР, Т.Б. од Црвен крст вчера пријавила дека над детското одмаралиште на Водно, додека се обидувале да стигнат до повредено лице на патеката, патничко моторно возило на Црвен крст “дачиа дастер“ излетало од патот и не биле во можност да пристапат до повреденото лице.

Од екипа на противпожарната бригада повредениот Г.С.(52) од Скопје бил извлечен, по што бил пренесен во комплексот клиники „Мајка Тереза“ за укажување на лекарска помош.

Од страна на лекар констатирана била тешка телесна повреда што ја здобил додека се движел на Водно.