Утрово во тетовската полиција бил пријавен смртен случај кој настанал при извршување на градежни работи.

Имено во тетовскoто село Желино, 57-годишник од селото Глоѓи, паднал од скеле и починал на самото место, а смртта била констатирана и од доктор од итната медицинска помош.

Увид на местото на настанот извршила екипа од СВР Тетово.

Вчера во 18,30 часот во СВР Скопје, 54- годишен маж од Скопје пријавил дека во селото Говрлево додека ги напасувал неговите овци забележал како три овци движејќи се покрај патот паднале. При обид да ги извлече се здобил со мал стурен удар без последици, при што пријавителот забележал бакарна гола жица закачена на бандера за струја во дворно место од викенд куќа сопственост на Т.Т.(58) од Скопје.

Од екипа од ЕВН било констатирано дека е извршена кражба на електрична енергија и дека голата бакарна жица била под напон од електрична енергија, по што електричната енергија била исклучена, а документирана кражба на електрична енергија. Увид на местото на настанот ќе изврши екипа од СВР Скопје во текот на денешниот ден.

Синоќа во 20,20 часот во СВР Скопје било пријавено дека во круг на училиште на ул. „Призренска“, дошле три непознати лица со возило „фолксваген туран“ со непознати регистарски ознаки и истите започнале да ги малтретираат А.К.(18) и двајца 15 годишни и еден 17 годишен малолетник, а потоа физички нападнале други 15 и 16 годишни малолетници нанесувајќи им повреди.

По ова од непознатите лица биле испукани 2-3 куршуми во воздух од пиштол, по што напаѓачите го напуштиле местото. Увид на местото на настанот извршила екипа од СВР Скопје при што била пронајдена и подигната една чаура. Се преземаат мерки за расчистување на случајот, соопшти полицијата.