Црна хроника
Собирал старо железо, нашол три бомби

Еден жител на Кочани при собирање на секундарни сировини-старо железо, пронашол три рачни бомби – кашикари со потекло од Втората Светска војна.
Како што соопшти во неделата МВР, бомбите биле пронајдени во саботата во 14,00 часот во Кочани, во напуштена куќа на ул.„Маршал Тито“, Увид на лице место извршила екипа од ПС-Кочани, а бомбите за понатамошна постапка се подигнати од Дирекцијата за заштита и спасување. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
39-годишен Македонец е загинатиот во несреќата во Србија

Во сообраќајна несреќа што се случи рано утрово на автопатот Нови Сад – Суботица загина македонски државјанин, додека друг се здобил со тешки телесни повреди, објави РТС.
Возило „киа“ со македонски регистарски таблички, кое се движело по автопатот кон Хоргош, излетало од патот, а потоа се превртело.
Во несреќата загинал сопатникот Н.А.(39), додека возачот А.А.(60) е тешко повреден и пренесен во болницата во Суботица каде што ја прима потребната медицинска помош, извести РТС.
Сообраќајната полиција и обвинителот на Основното јавно обвинителство во Суботица биле на местото на настанот.
Основното обвинителство на Суботица наведува дека против возачот ќе биде поднесена кривична пријава за тешко дело против безбедноста во јавниот превоз.
Топ
Се преврте возило со македонски регистарски таблички, загина сопатникот: тешка сообраќајна незгода во Србија

Едно лице загина, а едно е тешко повредено во сообраќајна несреќа што се случи утрово.
Како што објави српски „Блиц“, околу 5:15 часот наутро на автопатот, упатувајќи се во правец кон Хоргош, возачот на „Киа“ со македонски регистарски таблички ја изгубил контролата врз возилото и излетал од патот, по што возилото се превртело.
Возачот бил тешко повреден и бил пренесен во Општата болница во Суботица, додека сопатникот починал на местото на настанот.
Истрагата ја спроведоа обвинителот на Основното јавно обвинителство во Суботица и сообраќајната полиција.
Против возачот ќе биде поднесена кривична пријава за тешко дело против безбедноста во јавниот сообраќај.
Топ
Уапсен мотоциклистот кој усмрти пешак на кејот во Скопје

Полицијата го уапси мотоциклистот кој завчера усмрти пешак на кејот во Скопје, на пешачка патека во близина на Паркот на франкофонијата. Откако го прегази пешакот, мотоциклистот избега.
Од МВР информираат дека денеска во полициска станица е извршен службен разговор со Ф.Љ.(25) од Скопје, кој на 01 јули околу 19.30 часот на пешачка патека во близина на ул.„Ленинова“ во Скопје, со мотоцикл „кавасаки“ со скопски регистарски ознаки, удрил во пешакот Ј.Н.(68) од Скопје, по што избегал.
Од здобиените повреди Ј.Н. почина во Комплексот клиники „Мајка Тереза“.
„Денеска Ф.Љ. е лишен од слобода и по документирање на случајот, во координација со јавен обвинител против него ќе биде поднесена кривична пријава по брза постапка“, соопшти МВР.