Напаѓач отворил оган ноќта кон четврток по македонско време врз луѓе во деловна зграда во административниот центар на американската држава Аризона, Феникс, при што едно лице починало а најмалку уше две други лица се ранети, јави интернет изданието на весникот USA Today, повикувајќи се на локалните в

Според очевидци, напаѓачот успеал брзо да избега од местото на инцидентот со автомобилот со бела боја. Тие рекле дека станува збор за белец на околу 70-годишна возраст, а мотивите за нападот не се јасни. Жртвата која починала во нападот, исто така, не е идентификувана.

Полицијата во средата попладне по локално време влегла во дом поврзан со осомничениот за нападот, но припадниците на специјалните единици од таму излегле по само неколку минути без инцидент и без осомничениот, изјавил претставникот на полицијата на Феникс, поручникот Стив Мартос. Според него, полицијата влегла во домот на осомничениот набрзо по нападот.

Според очевидци се слушнале пет-шест истрели, четири лица биле изнесени на носилки, а на местото од нападот биле упатени педесетина полициски возила, зградата е целосно блокирана од полициски сили. Исто така, имало и седум-осум противпожарни возила и специјални единици.

Пукањето се случило во лобито од деловната зграда којашто во декември 2011 година била купена за повеќе од 10 милиони долари во готово, и 85 отсто била под закуп од 15-ина фирми, од осигурителниот бизнис, од компании за здравствена заштита и адвокатски канцеларии./крај/мф/сн