Црна хроника
Три лица, меѓу кои деца, убиени во пукање во САД
Најмалку три лица, од кои две деца според првичните сознанија, загинале во пукање во семен дом во американскиот град Денвер, јави во средата Associated Press повикувајќи се на локалната полиција.
Инцидентот се случил во средата наутро по локално време во северниот дел од градот. Во пукањето уште едно дете било рането и е пренесено во најблиската болница.
Засега не се изнесуваат детали за оваа трагедија, а непознати се сé уште и мотивите.
Денверската полиција соопшти само дека две деца под 10 години и една жена се убиени, а трето дете е повредено
Полицискиот потполковник Мет Мареј рекол дека повреденото дете е во критична состојба. Иследниците очекуваат налог повторно да влезат во куќата, јавува Sky News повикувајќи се на локалната телевизија КUSA-TV.
Мареј изјави ли дека „изгледа оти станува збор за изолиран инцидент. Сега разговараме со сведоци, но немаме индикација дека во куќата е оној што пукал или дека исчезнал низ Денвер“.
Местото на злосторството се наоѓа во индустриска зона, опкружено со магацини и камионски терминал, во близина на комплекс за продажба на големо. Според соседите, куќата неодамна била продадена./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Инспектор од Македонска Каменица запалил службени документи и предизвикал пожар во полициска станица
Полицијата поднесе кривична пријава против Д.С. поради постоење основи на сомнение за сторено кривично дело „предизвикување на општа опасност“.
Пријавениот, на работно место инспектор за јавен ред и превенција во Полициско одделение Македонска Каменица при СВР Штип, на 27.08.2025 додека бил на работа, во кругот на Полициското одделение Македонска Каменица во старо метално буре кое се користело за фрлање на отпад, фрлил хартија од службени материјали, ги запалил и ги оставил да горат, по што огнот се проширил околу бурето, ја зафатил сувата трева и се приближил до објектот на Полициското одделение Македонска Каменица.
Одделот за внатрешна контрола, криминалистички истраги и професионални стандарди против Д.С. ќе поднесе предлог за поведување на постапка за утврдување на одговорност за кршење на работниот ред и дисциплина.
Црна хроника
Тешко повреден велосипедист во Скопје, удрил во пешак
Триесет и осумгодишен велосипедист е тешко повреден откако удрил во пешак во Скопје.
Според информациите на МВР, вчера околу 16:15 часот во СВР Скопје е пријавено дека на бул.„Партизански Одреди“ во Скопје, Ж.П.(38) од Скопје, управувајќи велосипед, удрил во пешак.
Во несреќата со тешки телесни повреди се здобил велосипедистот, констатирани во Градската општа болница „8 Септември“. Извршен е увид од увидна екипа од СВР Скопје.
Црна хроника
Ограбен скопјанец во автобус на ЈСП
Скопјанец е ограбен во автобус на ЈСП.
Според информациите на МВР, вчера во 16:00 часот во СВР Скопје, К.Д.(43) од Скопје пријави дека околу 07:20 часот во автобус на ЈСП, на подрачјето на Чаир, му бил одземен мобилен телефон.
Се преземаат мерки за расчистување на случајот.

