Црна хроника
Запленети 14,5 кг марихуана на Табановце
Царинските службеници во четвртокот доцна вечерта околу полноќ, спречија нов обид за шверц на 14,5 кг марихуана, соопшти во петокот Царинската управа на Република Македонија.
Околу 22:30 часот на излез од Македонија на граничниот премин Табановце-автопат пристигна автомобил марка FIAT PUNTO со албански регистарски таблички, управуван од албански државјанин со иницијали Џ.Д. Запрашан дали има нешто да пријави за царинска контрола и од каде доаѓа, одговорил дека нема ништо да пријави и дека патува од Тирана за Романија кај својата девојка.Поради сомнително однесување, царинските службеници извршиле детален преглед на возилото. Во багажниот простор имало двете плински боци, дел од погонскиот систем на возилото, кои иако уредно поставени, давале индикации дека наместо со плин, се полни со нешто друго. По вадењето на истите и демонтирање на вентилите, царинските службеници пронајдоа марихуана во рефусна состојба, со тежина од 14, 5 кг. Вредноста на дрогата, доколку би се продавала на западноевропскиот пазар би достигнала над 100 илјади евра.Лицето е предадено на инспектори од Одделението за истраги при Царинската управа, кои во моментов вршат распит.Во текот на службениот разговор утврдено е дека патничкото возило во кое била сместена марихуаната по сообраќајна дозвола гласи на лицето Б..Д. од Тирана, но на ден 28.01.2013 година пријавениот потпишал договор за купородажба на возилото од лицето за цена од 4000 евра.Осомничениот, со лицето Б..Д. се запознал пред 4-5 месеци во кафеана во Тирана, кога лицето Б..Д. му предложил да ја пренесе дрога од Албанија до Италија-Милано со споменатото возило, а за завршената работа да му плати износ од 2000 евра. Парите требало да му бидат исплатени откако ќе ја пренесе марихуаната до крајната дестинација. Пријавениот се согласил и една недела пред критичниот ден повторно се сретнал со лицето Б..Д кој му ги дал клучевите и возилото во кое во две плински боци кои претходно ги вградил ги наполнил со 14,5 кг марихуана. На 14.02.2013 година осомничениот и нарачателот се сретнале уште еднаш, а осомничениот ги добил последните инструкции и совети околу транспортот и рутата на движење и го охрабрил дека ризикот да го „фатат“ е помал затоа што тој ден е Св. Валентин и лесно ќе ги мине границите. Пред заминување, нарачателот му дал 400 евра за патни трошоци. Дрогата требало да ја однесе во Милано, најдоцна до 17.02.2013 година. Возилото требало да го остави на одреден паркинг цела ноќ, а тој да замине во хотел. Следниот ден, откако возилото ќе било испразнето, истото требало да му биде донесено пред хотелот, и со него да се врати во Албанија преку Бари. Царинската управа против пријавениот поднесе кривична пријава поради постоење на основано сомнение дека сторил кривично дело „Неовластено производство и пуштање во промет на наркотични дроги психотропни супстанци и прекурсори”. Кривичната пријава, пријавениот и доказниот материјал се предадени на надлежен истражен судија. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Инспектор од Македонска Каменица запалил службени документи и предизвикал пожар во полициска станица
Полицијата поднесе кривична пријава против Д.С. поради постоење основи на сомнение за сторено кривично дело „предизвикување на општа опасност“.
Пријавениот, на работно место инспектор за јавен ред и превенција во Полициско одделение Македонска Каменица при СВР Штип, на 27.08.2025 додека бил на работа, во кругот на Полициското одделение Македонска Каменица во старо метално буре кое се користело за фрлање на отпад, фрлил хартија од службени материјали, ги запалил и ги оставил да горат, по што огнот се проширил околу бурето, ја зафатил сувата трева и се приближил до објектот на Полициското одделение Македонска Каменица.
Одделот за внатрешна контрола, криминалистички истраги и професионални стандарди против Д.С. ќе поднесе предлог за поведување на постапка за утврдување на одговорност за кршење на работниот ред и дисциплина.
Црна хроника
Тешко повреден велосипедист во Скопје, удрил во пешак
Триесет и осумгодишен велосипедист е тешко повреден откако удрил во пешак во Скопје.
Според информациите на МВР, вчера околу 16:15 часот во СВР Скопје е пријавено дека на бул.„Партизански Одреди“ во Скопје, Ж.П.(38) од Скопје, управувајќи велосипед, удрил во пешак.
Во несреќата со тешки телесни повреди се здобил велосипедистот, констатирани во Градската општа болница „8 Септември“. Извршен е увид од увидна екипа од СВР Скопје.
Црна хроника
Ограбен скопјанец во автобус на ЈСП
Скопјанец е ограбен во автобус на ЈСП.
Според информациите на МВР, вчера во 16:00 часот во СВР Скопје, К.Д.(43) од Скопје пријави дека околу 07:20 часот во автобус на ЈСП, на подрачјето на Чаир, му бил одземен мобилен телефон.
Се преземаат мерки за расчистување на случајот.

