Црна хроника
Верижен судар кај Кадрифаково, загина една жена

Во верижен судар, загина 74-годишната Ж. Д. од Свети Николе, а пет луѓе се повредени, соопшти полицијата.
Верижна сообраќајна несреќа се случила во вторник вечерта на регионалниот пат Миладиновце – Свети Николе, во близина на селото Кадрифаково.
Во несреќата учествувале четири моторни возила, и тоа, трактор со кој управувал 50-годишен жител од Свети Николе, комбе „Фолксваген” кој го возел 33-годишен штипјанец, автомобил „Форд мондео” со кој управувал 23-годишен штипјанец и камион „Фиат дукато” кој го возело 27-годишно лице.
Жената што почина се возела на тракторот, а останатите учесници во сообраќајната несреќа поминале со полесни повреди, при што на сите им е укажана медицинска помош.
Полицијата извршила увид на местото и работи на расчистување на околностите кои довеле до несреќата./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Штитеници во установа за згрижување деца имале сексуален однос пред 12-годишно дете

Вчера во 16:45 часот во СВР Скопје е пријавено дека во август 2025 година во соба во установа за згрижување на деца, 16-годишен штитеник и 15-годишна штитеничка на установата имале сексуален односи.
Според информациите од МВР, тие имале односи пред 12-годишен штитеник на установата, по што 16-годишникот му се заканил на 12-годишникот да не кажува никому.
Се преземаат мерки за расчистување на случајот.
Црна хроника
Ограбен автомобил на паркинг во Центар

Синоќа во 00:32 часот во СВР Скопје е пријавено дека е ограбен автомобил на паркинг простор на подрачјето на Центар во Скопје.
Според информациите на МВР, од патничко возило „мерцедес“ со скопски регистарски ознаки, сопственост на правно лице, одземена е актовка со пари, документи, печати и други предмети.
Се преземаат мерки за расчистување на случајот.
фото: илустрација
Црна хроника
Инцидент во Карпош: Му ги дупнала гумите на возилото на партнерот, а потоа и физички го нападнала

Маж од тетовско пријавил во полиција дека неговата партнерка му ги дупнала гумите на возилото, а потоа и физички го нападнала.
Доцна синоќа, во 03:20 часот во СВР Скопје, 44-годишен маж од тетовско пријави дека претходно околу 19:00 часот во Скопје, на подрачјето на Карпош, неговата партнерка со нејзиното возило удрила во неговото возило, а потоа со остар предмет му ги оштетила гумите на возилото и физички го нападнала.
Се преземаат мерки за расчистување на случајот.