Црна хроника
Американец се обидел да шверцува стари, вредни монети од Македонија

Царинската управа спречи нов обид за изнесување на 48 стари нумизматички монети кој датираат од 2 век п.н.е до 4 век од н.е., како и монети од поново време, од 17 век од н.е., со различно писмо, големина и ознаки од Македонија.
Американски државјанин кој пристигнал во Македонија во хуманитарна мисија во околните села на градовите Штип и Пробиштип се обидел да ги изнесе вредните монети преку граничниот премин Делчево во Бугарија.
Случајот бил откриен во петокот на граничниот премин Делчево, кога на царинската линија за излез од државата пристигнал автомобил Фолксваген Каравели со бугарски регистарски ознаки, управувано и во сопственост на осомничениот Џ.Б.Х. државјанин на американската држава Минесота.
Поради сомневање во неговата изјава дека нема ништо да пријави за царинска контрола, царинските службеници од царинската испостава Делчево го селектирале за детална контрола.
При личен претрес во предниот десен џеб од тренерките пронајдени се 38 парчиња стари нумизматички монети во различна големина и ознаки и писмо кои биле завиткани во обична бела хартија, во предниот лев џеб од неговите фармерките биле пронајдени уште осум монети во различна големина и различно писмо, а во личен багаж (левиот и десен џеб од патната торба спакувани во пластични зипер кеси) пронајдени се уште 2 монети.
Пронајдените примероци кои претставуваат споменик на културата на Република Македонија кој осомничениот се обидел да ги изнесе во странство без дозвола на надлежен орган.
Инаку, осомничениот има привремено престојувалиште во Софија, Бугарија, а во Македонија пристигнал пред два дена. Се сретнал со штипјанец за кој знаел дека поседува и продава стари монети.
Двајцата се договориле да се сретнат следниот ден на патниот правец Штип-Радовиш кај бензинската станица на „Макпетрол“ каде пријателот му ги донел монетите. Потоа, Американецот со својот автомобил, веднаш се упатил кон македонско-бугарската граница каде имал намера да ги изнесе монетите.
Царинската управа против пријавениот поднесе кривична пријава за „Изнесување односно извезување во странство на добра под привремена заштита или културно наследство или природни реткости”.
Кривичната пријава, пријавениот и доказниот материјал се предадени на надлежен истражен судија кој по спроведената истражна постапка му одреди мерка притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Заталкано зрно од огнено оружје заврши во автомобил во Чаир

Заталкано зрно од огнено оружје заврши во автомобил во станица за технички преглед во Чаир.
Според информациите на МВР, вчера околу 14:30 часот во СВР Скопје, Б.А.(49) од Скопје пријавил дека во кругот на станица за технички преглед на подрачјето на Чаир од заталкано зрно од огнено оружје било оштетено ветробранското стакло од неговото возило „цитроен“ со скопски регистарски ознаки.
Полициски службеници од СВР Скопје го подигнале зрното за понатамошна постапка.
Се работи на расчистување на случајот.
Црна хроника
Тинејџер со мопед удри во 12-годишно девојче во Кичево, со тешки повреди пренесено во болница

Тинејџер со мопед удри во 12-годишно девојче во Кичево, со тешки повреди е пренесено во болница.
Според информациите на МВР, вчера во 19:30 часот во ОВР Кичево било пријавено дека на ул.„Рудничка“ во Кичево, мопед „пежо“ со кичевски регистарски ознаки, управуван од Л.М.(18), удрил во пешак-12-годишна малолетничка, двајцата од Кичево.
Во несреќата со тешки телесни повреди се здобила малолетничката, а со телесни повреди се здобил возачот на мопедот, констатирани во Медицински центар Кичево. Извршен бил увид од увидна екипа од ОВР Кичево.
Црна хроника
Пријава против вработен во ЈП „Национални шуми“, го оштетил претпријатието за повеќе од 500.000 денари

Полицијата поднесе кривична пријава против вработен во ЈП „Национални шуми“, издавал испратници без претходно издадени одобренија за сеча и го оштетил претпријатието за повеќе од 500.000 денари.
Според информациите на МВР, поднесена е кривична пријава против С.П.(58) од Охрид, со престој во општина Вевчани, поради постоење основи на сомнение за сторено кривично дело „злоупотреба на службена положба и овластување“.
Пријавениот, вработен во Јавно претпријатие „Национални шуми“- Подрачно шумско стопанство „Јабланица“ – Струга, како референт за превоз постапил спротивно на законски и подзаконски акти на тој начин што издавал испратници спротивно на Правилникот за видот и начинот на жигосување на сечата, начинот на издавање на испратница и издавал испратници без претходно издадено одобрение за сеча, со што им овозможил на физички лица да се здобијат со имотна корист.
Со ваквите дејствија на Јавното претпријатие „Национални шуми“ нанел штета во вкупен износ од 506.850 денари и Буџетот на РСМ во делот на ДДВ и проширена репродукција на шумите.