По расправии извале оружје, но сепак се останало на тоа, во битолско.

Имено, како што соопшти полицијата, во саботата во 16 часот во СВР-Битола, И.Б.(1982) од село Будаково-Битола, пријавил дека околу 10 часот по претходна расправија во нива на местото викано Дулејца, атар на село Будаково, А.Б. извадил оружје пиштол непозната марка, и му се заканил на пријавителот дека ќе го убие.

Тој бил спречен во намерата од неговиот татко А.А., а потоа лицата А.Б. и А.Е., И.Б. физички го нападнале, удирајќи го со тупаница во пределот на лицето, а А.Б. со дрво го удрил во пределот на грбот.

Откако А.А. ги тргнал А.Е. и А.Б. заминале со тракторот, по нив дошол А.Љ., кој му се заканил на пријавителот дека ќе го убие со пушката.

А.А. со А.Е. и А.Б. се вратиле и повторно физички го нападнале, удирајќи го со тупаници и клоци во пределот на телото.

По настанот, И.Б. заминал за дома, а по кратко време во дворот од куќата со трактор дошол А.Љ., кој извадил пушка, која ја вперил во пријавителот, по што И.Б. му ја одзел.

По целосно расчистување на случајот, ќе биде поднесена соодветна пријава./крај/со/бб