Црна хроника
Тешко рането дете по игра со плашливец со вистински куршуми
Едно дете е потешко рането откако при игра во куќата на неговите баба и дедо во плашливец ставил вистински куршуми, соопшти во петокот МВР.
Инцидентот се случил во четвртокот околу 10,00 часот во село Царев Двор-ресенско, во куќа сопственост на З.Н.(63) и Ф.Н., додека нивниот 13 годишен внук со неговиот другар, врсник од Скопје, играле со пиштоли плашливци, пронашле неколку куршуми при што еден од нив го ставил куршумот на предниот дел од плашливецот и пукал од истиот кон таванот. Во тој момент истиот од барутот, се здобил со повреди во пределот на стомакот, два прсти на левата рака и десната бутина. По настанот, бил пренесен во Медицински центар Ресен, каде се констатирани телесни повреди, по што е пренесен во Ургентен центар Скопје за укажување на лекарска помош. Претставници на ресенската полиција излегле на лице место, при што во куќата пронајдени се и со потврда за привремено одземени предмети, одземени се ловна пушка, пиштол и повеќе парчиња муниција за ловна пушка и пиштол како и дозвола за истите на име Ф.Н., пронајдени и одземени се и пиштолот плашливец и една чаура. По целосно документирање на случајот ќе биде поднесена соодветна пријава./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Детали за кражбата на сефот во скопско Црниче: 23-годишник е еден од осомничените
Основното јавно обвинителство Скопје поведе постапка против 23-годишник осомничен за кривично дело тешка кражба од член 236 став 1 точка 1 од Кривичниот законик.
Ноќта меѓу 31 март и 1 април, осомничениот, заедно со уште три лица, провалил во затворен маркет на улицата Востаничка во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или сѐ во вкупна вредност од 285.000 денари.
Со возило пристигнале пред маркетот, со употреба на погоден алат – хебла, клешти и друго дејствувале врз влезната врата од маркетот, но не успеале да ја отворат. Еден од сторителите го стартувал возилото и удрил со задниот дел кршејќи ги двете лизгачки врати. Потоа тој и другите осомничени ги демонтирале и ги поставиле покрај влезот од маркетот. Преку така направениот отвор, сега осомничениот, заедно со другите лица, влегол во просторијата наменета за вработените, од каде што ги одзеле металниот сеф со дневен промет и цигарите, па заминале во непознат правец.
Бидејќи постојат околности што очигледно укажуваат на опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор на осомничениот. Полицијата соопшти дека работи на откривање на неговите соучесници.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.